اولاد الافاعى

اولاد الافاعى: وصف البعض قديما الاقباط بـ "الاعباط" لماذا لانهم شافوهم يتخلون عن ايمانهم و كنيستهم مقابل امور تافهة, فتعجبوا هل هؤلاء احفاد من لم يهابوا الموت! هل هؤلاء احفاد من علموا المسكونة باكملها! مش عارف دلوقتى ممكن يوصفوهم بايه؟ كل واحد يجيب فكرة جديدة مش عارف منين و يعلم بيها يمشوا وراء, و كمان يحاولوا يعمدوا الفكرة و يخلوها مسيحية كل واحد مش عاجبه حاجة فى الكنيسة او عجبه رأى غريب يمشوا وراه و كمان يخلوه منبر للتعليم وبقينا نسمع اراء غريبة يمكن مسمعهاش من ايام بدع القرن الرابع و ماقبله, الروح القدس مش اقنوم الحياة و الصلاة تكفر عن الخطايا و الافخارستيا مثلها زى الصلاة و الصوم, و ان احنا اقرب لرب المجد من العدراء مريم, دى حاجات بسيطة و الاصعب لسانى يعجز عن قوله و نلاقى ردود ضعيفة مرتعشة خايفة من شىء ما, كأن من اؤتمنوا على الكنيسة صاروا بلا ..... لكن ماتعلمناه ان لانرد على اشخاص بل نعلم التعليم الصحيح لمن اراد سماعه, تعلمنا ان لا نحارب اولاد الافاعى بل نضرم نارا تحرق كل الافكار الشيطانية و اقول لهم كيف تقدرون ان تتكلموا بالصالحات و انتم اشرار وكيف ستهربون من الغضب الأتى و اقول لكل راعى متهاون فى حق رعيته ياريت تقرا سفر حزقيال اصحاح 34 July 1, 2023