المجانين فى نعيم

المجانين فى نعيم منتشر فى الكنيسة فى تلك الايام هوس غريب, للاسف موجود منذ زمن و لكن الفيس بوك و غيره جعله ظاهر بصورة كبيرة هوس "كراهية البابا شنودة" حقيقى مش لاقى له اسم تانى يجى واحد يقولك البابا شنودة يرفض التأله و لكن اللى يقرأ كتاب البابا شنودة بدع حديثة ص 145 يكتشف ان البابا يرفض مفاهيم معينة للتأله ولشركة الطبيعة الالهية و يرجع ذلك لفهم خاطىء للاباء فيقولك فلان "ربنا يبارك لينا فى عقله" ان البابا يقدم مفهوم خاطىء للتأله, لكن ده مش مفهوم البابا ده المفهوم اللى البابا بيرفضه فالافضل ان حضرتك ادام اللـه لك نعمة العقل تشوف مين اللى بيقول المفهوم ده و تشجب ارائه هو مش رد البابا عليه, بس حقيقى مش هتقدر تعمل كده و مش هقولك ليه!!! بيفكرونى بشوية مهاويس الواحد يقولك البابا بيرفض التحول فى الافخارستيا و التانى يقولك ده بيؤمن بالتحول الحقيقى و ليس مش عارف ايه طب اصدق مين فيكم و العبقرى التانى يقولك ان من اسباب انهيار المجتمع المصرى فى السبعينات الرئيس السادات و مين كمان؟ البابا شنودة و العبقرى الاخير يقول انت مش عارف ان فلان كان بيراجع للبابا مقالاته! بجد؟ ايوه بس ده طلع المسئول عن المطبعة و طبيعى يراجع البروفات قبل الطباعة و امثلة مهاويس كتير مش هقدر اقولهم واحد واحد علشان حبايبهم هيزعلوا, بس الحقيقة تبكى على حال شبابنا المفروض انه مثقف و متعلم حقيقى بكون عاوز اضحك لما اشوف بوستات المهاويس دول بس ده هم يبكى مش يضحك و لسه بدور على سبب مش لاقى بس العيب مش عليهم العيب على اللى زرع الفكر ده, طب هو مين؟ و للحديث .... مفيش بقية #المهوسيين_فى_نعيم February 7, 2023