نلنا كل ما للمسيح

"نلنا كل ما للمسيح" استخدم الاريوسييين هذا التعبير فى كتاباتهم للتقليل من لاهوت الابن وقد رد عليهم القديس اثناسيوس فى كتابه "ضد الاريوسيين" وفى اللاهوت البيزنطى استخدم هذا التعبير بصورة مغايرة بعيدة كل البعد عن رؤية القديس اثناسيوس التى تمثل الارثوذكسية القبطية, التى لا تقلل ولا تزود للحديث بقية قريبا.......

العجوز الشمطاء

العجوز الشمطاء فى احد البرامج التلفزيونية فى احدى القنوات الفرنسية رأيت تلك العجوز الشمطاء تتكلم عن يسوع فتوقفت لاسمع ما يقال لو لم يكن يسوع الها كما يقول المسيحيين؟ هذه هى افتراضاتها لوكان يسوع انسانا كيف يكون؟ فهى لا تنكر ولادته المعجزية ولا صليبه ولا قيامته, بل ترفض الوهيته تقول انها تعشق يسوع الانسان, وقد الفت كتب عن شخصية يسوع الانسان وحياته فى العالم وبالطبع صورتها كما تشاء وكما تتخيلون ما حدث بعد قيامته من الموت, من زواج وامور اخرى تلك الامور التى رأيت صداها فى بعض الافلام الفرنسية فى مشاهد لا تليق فالفكرة التى اكتشفت انها منتشرة عند البعض فى الخارج "يسوع الانسان", رغم انها لاترفض كما قلت ولادته ولا صليبه وقيامته, لكنها ترفض اهم شىء الوهيته (وربما تلك الافكار جزء من الديانة الموحدة, وللدعوة اليها!) فهل تلك "لو" مقبولة لدينا, هل ممكن نعتبرها تاملات روحية ونترجم كتب تلك العجوز الشمطاء كتاملات فى يسوع الانسان, كما يفعل البعض لتأكيد ناسوته كما يدعون هل يمكن فصل يسوع الانسان عن يسوع الاله؟ (اشكاليات التعليم الكنسى فى العصر الحديث, اشكالية "لو" مناقشة لبعض الافكار المطروحة على الساحة القبطية)

احترس ايها الراعى

احترس ايها الراعى "لأنه هكذا أحب الله العالم حتى بذل ابنه الوحيد، لكي لا يهلك كل من يؤمن به، بل تكون له الحياة الأبدية " يو 3: 16 اعلان صريح لا لبس فيه من فم رب المجد بذاته يعلن فيه: ان حب اللـه للعالم كله, لا يوجد من هو خارج دائرة الحب الالهى, البشرية كلها وان الصليب فداء للعالم كله, وهو علامة حبه للعالم, فهو لايريده ان يهلك الصليب هو علامة حب وعدل اللـه ولكن! اللـه يحب البشرية كلها منذ أدم الى نهاية هذا العالم الارضى, ولكن من يستفيد من هذا الحب؟ من يؤمن به مخلصا وفاديا, وينال هذا الخلاص بالطريقة التى رسمها اللـه لنا, سينجو من الهلاك وستكون له حياة أبدية الايمان اول طريق النجاة ونوال الحياة الابدية بدون ايمان لا يمكن ارضاءه "ولكن بدون إيمان لا يمكن إرضاؤه، لأنه يجب أن الذي يأتي إلى الله يؤمن بأنه موجود، وأنه يجازي الذين يطلبونه "عب 11: 6 فهل عدم ايمان البعض يتعارض مع حب اللـه للعالم كله؟ ما يعلنه اللـه صراحة ان صدره مفتوح للجميع فوق الصليب وحبه لا شك فيه ولكنه يعلن ايضا عدم الايمان يعنى الهلاك, والهلاك يعنى عدم نوال الحياة الابدية فلا تعارض بين الحب الالهى والعدل الالهى فما دورك كخادم؟ اى كانت درجة خدمتك ان تحب الجميع بلا شرط او تمييز مثل الهك ان تنذر الخاطىء بالتوبة والا سيطلب اللـه دمه من يدك "إذا قلت للشرير: يا شرير موتا تموت. فإن لم تتكلم لتحذر الشرير من طريقه، فذلك الشرير يموت بذنبه، أما دمه فمن يدك أطلبه" حز 33: 8 انت بلا عذر فى ذلك الامر المحبة لا تمنع الدعوة للتوبة واخيرا دعوة كل العالم ليؤمن بالرب يسوع مخلصا وفاديا وترشدهم للطريق الذى رسمه رب المجد لذلك واما اذا تخليت عن واجبك واكتفيت فقط بالحب دون دعوة الخاطىء للتوبة, او الكرازة باسم يسوع للايمان به فمن الافضل لك ان نخلع ثيابك وتنام مثل عذراء النشيد وتغلق ابوابك وتقول: "قد خلعت ثوبي، فكيف ألبسه؟ قد غسلت رجلي، فكيف أوسخهما؟" نش 5: 3 او تدعو الناس للتوبة والايمان بالرب يسوع وتتخلى عن المحبة فقد شابهت عندئذ يونان النبى الذى هرب من خدمته, لاجل كرامته وذاته هذه هى المعادلة المسيحية حب وايمان وتوبة وحياة ابدية فالمحبة تقوم على ايمان بلارياء, وضمير صالح "وأما غاية الوصية فهي المحبة من قلب طاهر، وضمير صالح، وإيمان بلا رياء " 1 تي 1: 5 اذا كان ايمانك برياء او ضميرك ليس طاهر فلا تتحدث عن المحبة فهى قبلات غاشة, تشبه قبلة يهوذا احترس ايها الراعى

مفاهيم خاطئة

مفاهيم خاطئة يعتقد البعض ان علامات القداسة والنضج الروحى ان لا يدافع الانسان عن نفسه, وهذا الامر ربما يكون صحيحا فى احيانا كثيرة وخاطئا فى اوقات اكثر فالراعى او من هو فى موضع الرعاية بالاخص فى الكنيسة, لابد ان يوضح الامور للرعية حتى لا تنقاد لافكار خاطئة, فلا يمكن ترك كل الامور بدون توضيح, فبعض الامور لابد من توضيحها فقد دافع البابا اثناسيوس عن نفسه, لما اتهمه البعض بالهروب , او عندما اتهمه البعض بامور سياسية ضد الامبراطور, لابد من توضيح الامور وكذلك البابا ديونيسيوس الـ 14 دافع عن اتهامه بالهروب من الاضطهاد والاهم فقد دافع رب المجد ذاته عندما اتهم "أجابه يسوع: إن كنت قد تكلمت رديا فاشهد على الردي، وإن حسنا فلماذا تضربني؟ " يو 18: 23 ولكن بعض رجال الدين, وفئات اخرى, لا يدافعون عن انفسهم ليس لانهم لم يرتكبوا حماقات ولكن لان تقمص دور الشهيد او المظلوم افضل بكثير, يجذب تلاميذ واتباع اكثر, ويعطى كرامات اكثر, وتقيه من نظرات الاتهام اكثر ويجتذب مدافعون عنه فهو غلبان ومسكين لا يقدر ان يدافع عن نفسه او لا يريد ذلك اى كان سبب رؤيته لهم, فيندفعون للدفاع عن المظلوم والمسكين ويتهمون الاخرين بالظلم والوحشية, ولان البعض يحب ان يعيش فى دور الدفاع عن المظلوم. ولكن فى الحقيقة هؤلاء المساكين يقولون فى السر لاتباعهم ما هو اكثر من الدفاع عن انفسهم, ويعطونهم اسباب ودوافع للدفاع عنهم, للرغبه فى استمرار تقمص دور الشهيد, ولتشجيعهم فى الدفاع عنه وأيضا لانهم يرون اخرون اقل منهم علما ومكانة فلا يضيعون وقتهم لتبرير افعالهم واقوالهم مع اناس لا يفهمون ولا يستوعبون ما يقولونه فهم مجرد جهلاء ومساكين وفى الحقيق لا اعرف من هم المساكين هل هؤلاء من يعشقون هذا الشكل ويعيشون فيه ام من يدافعون عنهم بحسن نية او لاجل امر اخر ام الاخرين الذين يعتبرونهم هؤلاء وهؤلاء جهلة وظالمين

تاريخ الايبارشيات والاساقفة الاقباط

قرأت ان كامل صالح نخلة كان قد اعد كتابا عن تاريخ الايبارشيات والاساقفة الاقباط ولكنه تنيح قبل طبعه ولا احد يعرف اين هو الان! وكذلك القمص صموئيل تاوضروس السريانى ذكر انه اعد كتابا عن نفس الموضوع وانه فى طريقه للطبع ولكنه تنيح قبل صدوره ولا احد يعرف اين هو الان مهو نفس الموضوع الذى اعمل عليه منذ فترة طويلة, ليس مثلهم فهم كانت لديهم الامكانية للوصول للمصادر الاصلية من مخطوطات ووثائق, ولكن انا مجرد جامع لما كتب ونشر عبر السنين ومحاولة ترتيبه وتصنيفه المهم اريد ان انتهى منه قريبا وليكن مصيرى كما يكون مجرد حلم سخيف

علشان الصورة تبقى حلوة

علشان الصورة تبقى حلوة مع موجة طلب قفل صفحات معينة تهين الكنيسة ممثلة فى رموزها الحاليين, يجب ايضا عمل قائمة بالصفحات التى تهين الكنيسة فى كل رموزها الحاليين و المنتقلين فالصفحات التى تهين قداسة البابا شنودة الثالث, والتى تهين رموزقبطية تاريخية مثل البابا ثيؤفيلوس الـ 23, والبابا ديقورس الـ 25 وكمان البابا كيرلس الـ 24 ورموز العصر الحديث من البطاركة و الاساقفة والاباء الكهنة, وغيرهم غلق كل الصفحات التى تتكلم بشكل لا يليق عن الكنيسة القبطية, بتاريخها وطقوسها مش نختار اللى على مزاجنا بس, تلاقى صفحة اللى بيطالبوا بكده مليانة شتائم فى رموز تانية كل على هواه وبكده الصورة تبقى حلوة بس فى الحقيقة: انا مع حرية التعبير عن الرأى باى طريقة واسلوب, فالكلام عمره ما بيرفع او بيقلل من انسان, وهو تعبير عن شخصية كل انسان النابعة من حياته والتى لابد ان نحترمها كلنا ولست ضد المجاملة او التطبيل لاى انسان فهذا امر شخصى وكل انسان من حقه ان يبحث عن دوره فى الحياة بالطريقة التى يراها, فالبعض يراها فى اهانة الرموز فيكتسب شهرة انه بينتقد فلان, والبعض يراها فى التطبيل لفلان لمصلحة ما او عندا فى شخص اخر, دى حرية شخصية تحترم المهم فى النهاية هى ان التاريخ يسجل كل شىء وشكرا

رسالة لـ

رسالة لـ للتاريخ فقط, بيصلوا زى ما حضرتك كنت بتصلى زمان وتطلب الحل من فم البابا شنودة الثالث, واللى فى القلب فى القلب, ولو كنت ناسى افكرك

الصورة الكاملة

الصورة الكاملة: فى ذكرى احداث سبتمبر, لابد من رؤية المشهد بالكامل فمثلا فى نفس اسبوع القرارات كان وفد مصرى يزور اسرائيل لمناقشةوتوقيع اتفاقيات التطبيع وقد تم ذلك فى نفس الاسبوع وهذا الامر لم يكن يمر بسهولة لولا القرارات السابقة وفى نفس الاسبوع كانت زيارة مناحم بيجين الاولى لامريكا واول لقاء مع الرئيس ريجان وكان على ملف المباحثات امور كثيرة وأيضا كانت مصر ستوقع اتفاقية صندوق النقد بعد احتفالات اكتوبر,وده كان من نتائج زيارة الرئيس لامريكا, تلك الاتفاقية التى لم تستطع امريكا اجبار مصر على توقيعها الا فى عهد الرئيس الحالى وامور كثيرة, التاريخ مازال يخفى اسرار كثيرة #طريقك_مليان_بالاشواك

نكت الحزب الحاكم

نكت الحزب الحاكم: حقيقى نفسى اشوف جريدة مايو الناطقة باسم الحزب الوطنى بالذات شهر سبتمبر سنة 1981, كمية تخاريف تظل لحد المهازل فى حق الكنيسة القبطية والبابا شنودة, لدرجة ان الجرائد خارج مصر كانت بتتريق عليها, ومنها ان البابا بعت شباب قبطى ليتدرب على السلاح فى لبنان عند الميليشيات هناك,وعارفين عددهم كمان. كم قسى الظلم عليك. قريبا #طريقك_مليان_بالاشواك

الموضوع مش سهل

الموضوع مش سهل: فى تصفحى لاحد المجلات القديمة لقيت مجلة اخوانية تعلق على كلمة البابا شنودة وتعليقه "الاله الواحد الذى نعبده" كمية هجوم شديد على البابا مش عارف ازاى فهموها كده, وهل البابا كان يقصد كل ده, كلمة بسيطة لكنها كانت كقنبلة فى وسط الجماعات, بس لسه مش مستوعب هل البابا كان يقصد كل المفاهيم ديه!. قريبا .... (نصيحتى اقراوا اكثر واكثر بلاش السطحية والشخصنة #طريقك_مليان_بالاشواك

نصيحة للخدام

نصيحة للخدام فى بداية خدمة جديدة, اقرأ وتعلم وابحث عن الحقيقة بنفسك, لا تصدق كل ما يقال لك, لا يوجد من لا يخطىء

الاله الواحد الذى نعبده

"الاله الواحد الذى نعبده", تعبير قاله البابا شنودة زمان ربما لم يعجب البعض, ولكن هذا التعبير له اصول فى التراث القبطى, وكان نقطة حوارية فى المجادلات والحوارات التى كانت تجرى فى العصور الوسطى, وبالتأكيد البابا شنودة كان على اطلاع عليها لان اغلبها نشر فى القرن الماضى, فكان يتكلم وهو دارس لتراث كنيسته وما هو مناسب لظروف الحوار فى ذلك الوقت حسب الحكمة المعطاة له من اللـه, وليس مجاملة او نفاقا, تفاصيل اكثر فى مقالة قادمة ان اراد الرب وعشنا اما اتباع فلان الذى سخروا من هذا التعبير فاقول لهم ان معلمكم قال ما هو ......, فى نفاق الرؤساء, برده فى مقالة قادمة صلواتكم #طريقك_مليان_بالاشواك

احداث شهر سبتمبر

احداث شهر سبتمبر بما ان شهر سبتمبر اقترب وذكرى 43 سنة لاحداثه تصفحت بعض الصحف الخاصة بعام 1981 المصرية والعربية المتاحة اونلاين تاريخ تلك الفترة يحتاج لاعادة نظر احيانا اقول لهم الحق لمن عاشوا تلك الاحداث ان لا يتكلموا عما حدث, فالحقيقة ستؤلم كثيرين, وتضع تساؤلات عن شخصيات لها قامة وقيمة فى الكنيسة وعند الكثيرين واشخاص كان لها دور فى الدولة وللاسف اقباط ما قام به البابا شنودة حسب رؤيته للامور وتقييمه لها يستحق الدراسة لاعطاء هذا الرجل حقه و لكشف ما قام به "زارعى الاشواك" فى تلك الفترة ربنا موجود

التاريخ

التاريخ ليس هو حكايات او روايات للتسلية, بل هو قصة حياتك بكل ما تحتويه قصة المدينة التى تعيش بها, قصة ماترتديه وما تاكله, قصة عملك, والاهم قصة كل ما نؤمن به وتحيا به عندما يأتى شخص ما ويحاول ان يمسح تاريخك ويجعله يبدأ من نقطة ما بالتأكيد له هدف غير شرعى او ...... فعندما يقول لك ان يسوع المسيح صار الها فى القرن الرابع, او ان الكنيسة بدأت فى القرن الخامس عشر, وان البابا فلان او علان هو من وضع تلك الافكار, فتأكد ان ذلك الشخص هو شخص ح........ اعرف تاريخك

قصة منسية

قصة منسية سفر ناحوم رغم صغره لكن طلع وراه حكاية كبيرة, رؤية جديدة ومختلغة مع النصوص الاشورية اللى تتوافق مع النص بصورة رائعة وتقدم رؤية جديدة للنص, توافق يجعل دراسة البعد التاريخى والثقافى للكتاب المقدس امر رائع, مع الترجمة السيعينية والقبطية والترجمات العربية القديمة

خدام فى بيت ابوك ولا خدام للخنازير, ده قرارك ولكن ابوك له قرار اخر بس مستنيك تقرر

ربنا يسامحنا

شفت تعليقات بعض الخدام على ما يحدث, حقيقى عرفنا نعلم!, ربنا يسامحنا على اللى عملناه

علشان احنا جهلة

تخاريف خادم: احنا البسطاء اللى هيدخلوا الملكوت. ليه بقى؟ علشان احنا جهلة بـ الحركة الأكاديمية اللاهوتية الحديثة

السيناريو

كلمة السر فى اللى بيحصل: الكنيسة القبطية غلطانة, البابا شنودة غلطان علشان تقدروا تفهمواالسيناريو صح

علامات نهاية الازمان

لو اللى بيحصل ده مش من علامات نهاية الازمان! تبقى علامات نهاية الازمان شكلها ايه؟ اصعب من كده بكثير

زمان قالوا الجزر بيقوى النظر

زمان قالوا الجزر بيقوى النظر: شهادة للتاريخ الكنيسة القبطية الارثوذكسية تؤمن بعقيدة التجسد والفداء, ولا يوجد عندها ما يسمى بعقيدة التاله مصطلح التاله, كما استخدمه اباء الكنيسة القبطية فى كتابات معينة للرد على بعذ البدع والهرطقات, استخدم للاشارة لبركة او نعمة من بركات التجسد والفداء العديدة, وهذه البركة لها مسميات اخرى فى الكنيسة القبطية مازالت تستخدم حتى الآن (الشركة, التجديد, ...) فلا داعى للنركيز على اقوال الاباء التى تتحدث عن بركة التاله, واغفال باقى الاقوال التى تتحدث عن بركات التجسد والفداء الاخرى, فالجزر له فوائد كثيرة مش بيقوى النظر بس فالمصطلحات الاخرى التى تشير لبركات التجسد والفداء استخدمت كثيرا بل ربما اكثر من مصطلح التاله, جارى حصرهم حاليا نعمة التاله عند اباء الكنيسة القبطية تختلف كثيرا جدا عن مفهوم عقيدة التاله عند كنيسة الروم الارثوذكس, تستخدم الكنيسة مصطلحات اخرى للاشارة اليها حاليا, ونرفض فكرة عقيدة التاله عند الروم الارثوذكس وليس مصطلح التاله ولا يقول احد ان كل بركات التجسد هدفها التاله كما يقول الروم, فالاباء فى كتاباتهم كانوا واضحين وفرقوا بين بركات التجسد الكثيرة بالاخص اثناسيوس الرسولى فى تجسد الكلمة هذا ايمانى وشهادتى للتاريخ وبلاش نمسك العصاية من النص, عيب عليك يا ......... (لفهم الامور اكثر يمكن مراجعة البوستات السابقة, او ممكن اجابة اى سؤال بصورة شخصية)

تخاريف خادم: 2

تخاريف خادم: 2 "نجني من الدماء يا الله، إله خلاصي، فيسبح لساني برك." (مز 51: 14). صرخة من داود امام اللـه وهو يشعر بحجم ماسببته خطينه من مآسى وهى نفس صرخة كل خادم او انسان حين يرى ما سببته يداه من حزن, او جروح نتيجة افعاله او اهماله حمل تقيل قوى لاينسى, لا ينساه المجروح او اللى بيجرح فى الحرب يسمونها "نيران صديقة", كيف سينسى الجندى ان يداه اصابت صديقه الذى يأتمنه على حياته, ويصيبه من الخلف, الجهة التى كان يعتقد انها امان بالنسبة له, وكيف سينسى ذلك الجندى ان تلك الاصابه جاءته من الخلف ممن يأتمنه على حياته ربنا يرحمنا ونراكم ابريل العام المقبل مع نفس الجروح

تخاريف خادم

تخاريف خادم: "فيقول له: ما هذه الجروح في يديك؟ فيقول: هي التي جرحت بها في بيت أحبائي." (زك 13: 6). نبوة جميلة قيلت عن السيد المسيح فى سفر زكريا اصعب الجروح هى التى تأتى من الاحباء او فى بيت الاحباء علمونا عندما بدأنا الخدمة الحرص فى عدم جرح مشاعر اى انسان, لان الجرح الذى يأتى من داخل الكنيسة صعب جدا جدا ولكن لأننا بشر فأننا ننسى دائما, فنجرح الاخرين, ونجرح من اخرين, لازم الامور تعدى لاننا داخل الكنيسة ولكنها امور لاتنسى اتذكر كل انسان سببت له جرحا واتمنى ان يعود الزمان مرة اخرى لامحو تلك الجروح, واتناسى كل جرح جاء من داخل الكنيسة لانهم بشر وليسوا ملائكة دائما كنت اطلب من اللـه انه عندما اتقدم فى العمر ويشيب الشعر كما هو الحال الان ان اكون تخلصت من اخطاء الماضى التى تجرح الاخرين نسعى ان لانجرح احدا, لاننا ضيوفا ههنا, لا نسعى لاى شىء سوى خلاص نفوسنا و نفوس الاخرين, من يريد الكرامة والمجد و الرئاسة فهنيئا له ولكن هل يكون هذا على حساب مشاعر الاخرين؟ سؤال محير! لا اعرف له اجابة ارى كل يوم نفوسا تجرح داخل بيت الرب بقصد او بدون قصد, و المطلوب ان نتناسى تلك الامور لاننا جسد واحد وكلنا بشر ولسنا ملائكة, ولكن بماذا اجيب تلك النفوس المجروحة اى اعتذار يكفى لتضميد الجروح نرى قديسين شابت شعور رؤوسهم ولكنهم مازالوا يجرحون الاخرين ولم يتخلصوا من طباعهم القديمة, فكيف نعاتب القديسين صلواتكم لكل نفس جرحت فى بيت الاحباء ولم تترك البيت بل مازالت محافظة على الجسد الواحد, اما من ترك البيت فصلوا ليرجع وينسى ولكن كيف ينسى!

الانترنيت

كنت بحضر موضع عن خيمة الاجتماع, ولقيت تاملات كتير عن الربط بين السيد المسيح والرموز فى خيمة الاجتماع وتاملات تربط خيمة الاجتماع بحياتنا الروحية, تاملات جميلة لكن مكنتش متوقع توصل للحد ده مش عارف تاملات ولا تفاسير تؤدى للبدع والهرطقات, محدش يسالنى على اللى شوفته علشان مش لازم نعمل دعاية للفكر الخاطىء مش كل تامل او تفسير تشوفه على الانترنيت صح 23 مارس 2024

ملاحظات سريعة

ملاحظات سريعة على الرسامات: - حضرت رسامات اساقفة ايام البابا شنودة وايام البابا تاوضروس ولم اكن انتمى لاى ايبارشية سوى القاهرة - فكرة ان اسقف الدير يتقدم على اسقف الايبارشية فى الرسامة اول مرة اسمعها و تحتاج دراسة - مبدأ "من حق الشعب ان يختار راعيه" من الكنيسة الاولى و الكنيسة القبطية تمسكت به طوال تاريخها ولكن السؤال: كيف كان يتم تطبيقه عبر مئات السنين فى اختيار الكهنة والاساقفة والبطاركة؟ الاشكالية ليست فى المبدأ بل فى طريقة تطبيقه 11 مارس 2024

لقب سيدنا

كل فترة يطلع واحد ويكرر الكلام عن لقب سيدنا الذى يقال للاسقف و يعتمد على ماكتبه الانبا اغريغوريوس, للاسف الموضوع ده مش صح, لقب سيدنا قديم فى الكنيسة وقبل دخول العرب مصر و انشقاق الكنيسة, انا كتبت قبل كده بالادلة وهنشر قريب مقالة او عدة مقالات عن القاب الاسقف فى الكنيسة عبر العصور, نفسى نتابع وندرس قبل مانشير اى حاجة, للاسف الاقى المعلومة التاريخية الغلط بتتشير اكثر من المعلومة الصح, كأن نفسنا نعارض وبس, ربنا يرحمنا 21 فبراير 2024

الاستغلال

الواحد كل ما ينزل السوق ويرجع, يكون عاوز يكتب عن البلاوى اللى بيشوفها كل يوم, والاستغلال الوسخ اللى بيعملوه التجار, كل يوم مجموعة جديدة مش عجب يعنى هم, الكل بيستغل الظروف ومش مهم المواطن, واخر خازوق الثوم, الواحد مش عارف يلوم مين ولا مين, التاجر الطمعان ولا الوزير النعسان ولا الرئيس ...... لكن ربنا موجود, وعادل خلينا فى التاريخ احسن 18 فبراير 2024

حوار شبابى

حوار شبابى: ( اكتب رايك الشخصى او ...) - فى الظروف اللى بنمر بيها كشباب محتاجين لحظات نفصل فيها علشان نقدر نكمل - بتعملوا ايه؟ المهم ميكنش حاجة غلط - بنشرب مخدرات - مخدرات مرة واحدة - هى الحاجة الوحيدة اللى بتخلينا ننسى الهموم و المشاكل - بس ده احساس مش بيدوم - احنا مش محتاجين ننسى على طول, هى فترة صغيرة علشان نقدر نكمل حياتنا - مين قال كده بعد شوية هيبقى ادمان - متخافش, مش كل يوم, احنا مش اغبية, مرة او مرتين فى الاسبوع بس علشان نقدر نكمل - مين قال ان ده هيستمر - قلت لك متخافش, ربنا يستر علينا - ربنا! وتفتكر ربنا موافق على كده - اكيد مش هو اللى سمح بالحالة اللى احنا فيها!!! (حوار شبابى لم ينتهى و كيف سينتهى) 17 فبراير 2024

اعلان فشل

اصدر الكبير قرارات, هى اعلان فشل, و ليست بداية اصلاح فى انتظار قرار الكبير التانى, سنة 2024 سنة القرارات الفاشلة باين عليها 10 فبراير 2024

بيبلوجرافى

بيبلوجرافى الاساقفة فى الكتيسة القبطية فى نهاية 2023, ومازالت المراجعة مستمرة والبحث عن اسماء جديدة, ربنا يبعت مراجع, صلواتكم الوجه البحرى 604 الوجه القبلى 770 الخمس مدن 108 النوبة 112 المهجر 83 اسقف عام 35 غير معروف 131 اثيوبيا, م تاريخية 108 اثيوبيا, قوائم 100 5 فبراير 2024

نقول تانى

نقول تانى: اول خطوة فى الاصلاح الاعتراف بالخطأ, ولكن الذات والعناد هيخلينا محلك سر 3 فبراير 2024

فى تاريخ الكنيسة نقرأ

فى تاريخ الكنيسة نقرأ , كان يوجد اثنين بطاركة فى وقت واحد البابا الـ 77 و البابا الـ 78, ولكن كل ما نقرأ اكثر نجد اكثر فلم تكن تلك المرة الاولى و لكن سبقها مرة اخرى, ظروفها اغرب و احداثها كثيرة نستكمل قراءة مصادرها ثم نحكيها سويا 3 فبراير 2024

سؤال سوفسطائى

سؤال سوفسطائى: لماذا نعيد يوم 28 كيهك؟ فى رسالة للبابا يؤانس الـ 107, يتكلم عن العيد يوم 28 كيهك بسبب مدة الحمل, و لكنه يضيف امرا غريبا بالصوم يوم 29 كيهك اذا كان يوم جمعة او اربعاء!!! وهذا الامر اواخر القرن الثامن عشر قبل ان تعرف مصر التقويم الميلادى اذا فليس للامر علاقة بيوم 7 يناير بل كان فى تلك الايام يوافق 6 يناير كل الاراء تدور حول مدة الحمل تسعة شهور وهم امر غير مفهوم فـ 275 يوم لن تفرق عن 276 يوما, ويوجد رأى اخر اراه الاصوب و هو رأيى الخاص ولا علاقة له بمدة الحمل واحتفظ به لنفسى الآن لمزيد من التوثيق والقراءة كل سنة و انتم طيبيين 6 يناير 2024

ترتيب سهرة كيهكى

اتمنى من احبائى محبى الطقوس, ترتيب سهرة كيهكى, بها مقتطفات من التسبحة والمدائح وقراءات من الكتاب المقدس وممكن ترانيم لأن اللى بيحصل دلوقتى فى الاجتماعات ملوش معنى مش عارف بنقول مقتطفات ولا تسبحة و لا مدائح, حاجات متفرقة لا يربطها شىء, مرتبطة باللى اختارها و الوقت المتاح لكن لو وضع برنامج لسهرة كيهكى يناسب الاجتماعات مدتة ساعتين او اكثر, و به اختيارات تناسب تنوع المخدومين وايام الاجتماعات هيكون احسن بدل ما نسميها تسبحة كيهكية وهى مجرد ..... وعقبال كيهك اللى جى ممكن ترتبوا لينا سهرة للصوم الكبير, قطع من التسبحة والابصاليات والمدائح وقراءات من الكتاب المقدس وصلوات فى انتظار اقتراحاتكم الصوم الكبير بيقرب شكرا 30 ديسمبر 2023

من وحى قداس النهاردة

من وحى قداس النهاردة: رسالة لكل خادم, اذا كنت وكيل ظلم فعلى الاقل خفف عن الناس ديونهم امام اللـه, ساعدهم على التوبة "ولكن إن كان أحد يبني على هذا الأساس : ذهبا ، فضة ، حجارة كريمة ، خشبا ، عشبا ، قشا" اذا لم تستطع ان تبنى ذهبا فابنى على الاقل قشا, و استر اخاك "فعمل كل واحد سيصير ظاهرا لأن اليوم سيبينه . لأنه بنار يستعلن ، وستمتحن النار عمل كل واحد ما هو إن بقي عمل أحد قد بناه عليه فسيأخذ أجرة إن احترق عمل أحد فسيخسر ، وأما هو فسيخلص ، ولكن كما بنار " لعلك تنجو كما بنار من اجل هؤلاء خفف عن الناس اتعابهم ومتزودهاش 22 ديسمبر 2023

اخى الخادم

اخى الخادم, اختى الخادمة لسنا فى سباق من منا اكثر معرفة او اكثر شعبية او اكثر شهرة!!! نحن هدفنا خلاص نفوسنا و خلاص من نخدمهم كما كتب, سنفاجىء فى السماء بخدام لم يسمع عنهم احدا شيئا و لكن خلصوا كثيرين فى صمت وهدوء يا ليتنا نكون مثلهم, قبل ان نسمع الصوت انى لا اعرفكم 16 ديسمبر 2023

بوست شهادة للتاريخ

بوست شهادة للتاريخ: (ممنوع التعليق عليه, ده رأئى الشخصى, اى تعليق سيحذف) كل المسيحيين يؤمنون تقريبا بمسيح واحد مخلصا وفاديا (طبيعة او طبيعتين, ......), ويؤمنون تقريبا بكتاب مقدس واحد (اسفار قانونية ثانية, ترجمات مختلفة و تفسيرات مختلفة) ولكنهم لا يؤمنون بكنيسة واحدة مقدسة "جسد السيد المسيح" ( الافخارستيا, ........ قوس ممتدد لاكثر ما استوعبه!!!)! لدى الكثير لاكتبه و لكن لم يأتى اوانه, شكرا 16 ديسمبر 2023

زهور جميلة فى البستان

زهور جميلة فى البستان لما تدرس تاريخ الاساقفة و الايبارشيات فى مصر, تشوف زهور جميلة فى كل عصر و كل مكان, الفين سنة من المسيحية, امتداد فى كل انحاء مصر و المهجر والنوبة و اثيوبيا و الخمس مدن, عالم رائع ولكن الاهم من الشغل تظبيط الشغل كل فترة تتجول وسط الزهور فى زمن ما او مكان ما تراجع كل ما سجلته من روائع الزهور الاثيوبية الفترة دية خدت وقت كبير و لسه مستمرة, عاوز انتقل لبستان اخر قريبا (اكثر مرجع معروف بالنسبة لى سجل حوالى 900 اسم, اتمنى تجاوز 2000 اسم قبل نهاية هذا العام) 4 ديسمبر 2023

بايرن ميونيخ

امس خسر بايرن ميونيخ وخرج من دور الـ 32 لكأس المانيا على يد فريق يحتل المركز الـ 15 فى الدرجة الثالثة, و الذى احتفل فى الملعب احتفال عائلى كبير و مدينتهم الصغيرة صارت حديث الساعة, كان كل انجازهم فى التاريخ الرياضى انهم فازوا على بايرن ميونيخ سنة 1976 بنتيجة 6 - 1 دلوقتى بقى عنهدم انجاز تانى مهم ايه الل حصل؟ فريق بيلعب بروح عالية وحماس والتزام وجماعية, محدش بيفكر فى نفسه كله يد واحدة نفسهم يحققوا تاريخ لانفسهم و لمدينتهم الصغيرة مقابل فريق يفتقد كل ما سبق بجانب استهتار بالخصم وثقة زائدة وعدم استعداد نفسى للمباراة, رغم ان التاريخ به الكثير من قصص الاغبياء امثالهم لن تاخذ دون ان تعطى, لا نجاح بدون اجتهاد, لا تخطى للصعوبات دون عمل جاد, وللاسف من يبدأ بتلك السمات لا يستطيع التراجع مهما ساءت النتائج حتى صافرة الحكم ولكن كثيرا ما تكون الحياة ظالمة و تعطى احيانا للمتخاذلين ولكنه امر بدون طعم شكرا لمن علمونا انه لا مستحيل لمن يجتهد و يعمل بحب 2 نزفمبر 2023

اللوحة الرخامية

فعلا موضوع اللوحة الرخامية ده فى كل مكان بقى شىء يثير التساؤلات و مش مغهوم 13 اكتوبر 2023

عشمتنى بالحلق

عشمتنى بالحلق خرمت انا ودانى مرة ورا مرة لحد مابقتش لاقى ودانى وبعدين قال مش انا اللى عشمتك 10 اكتوبر 2023

صحافة زمان

صحافة زمان ذكرى احداث سبتمبر 1981 تلاقى خبر 6 سبتمبر "موافقة الكنيسة القبطية على قرار السادات"!!!!!! ومقتطفات من جريدة مايو لسان حال الحكومة "الاقباط هو من ابتدوا بالعنف, والبابا شنودة من اسباب الفتنة الطائفية" حكايات فى انتظار ان تروى للاجيال القادمة 28 سبتمبر 2023

صحافة زمان

صحافة زمان بمناسبة اقتراب ذكرى اكتوبر لقيت جرنال اسرائيلى بالعربى اونلاين عدد ما بعد وقف اطلاق النار تقريبا 26 اكتوبر صورة تانية خالص وقلب للحقائق بصورة كبيرة تحس انهم بيحتفلوا بانتصارهم اللى مكملش 28 سبتمبر 2023

مواقف وطرائف

مواقف وطرائف قال الاجتماع ده اهم! تخدوا الكاميرا ليه؟ انا عاوز الكاميرا 27 سبتمبر 2023

البصل

الانترنيت و القنوات الفضائية بوظت اخلاق الواحد بيقولك فى الدول المتقدمة و غير المتقدمة فى هامش ربح للسلع الفذائية, متوفرة ولا لا بيقولك من 30 - 50 % للمواد الطازجة زى الخضار و الفاكهة و الالبان و الاجبان اللى صلاحيتها لا تزيد على اسبوع, والمعبأة اللى صلاحيتها اكثر من كده من 10 - 30 %, وقال ايه اللى يبيع اكثر من كده او اقل من كده بيتعمل له قضية حماية المستهلك وضد الاحتكار وبيدفع غرامة كبيرة, الدش والانترنيت هيبوظ اخلاقنا 21 سبتمبر 2023

البصل

- ابسط يا عم اهى الحكومة وقفت تصدير البصل و هيرخص - بجد هو احنا عندنا..... - ايوه ده البصل كتير متخفش - انا مش قصدى البصل, هو احنا عندنا حكومة اصلا - ايوه اكيد دى بتشتغل لمصلحة المواطن البسيط - كمان عندنا مواطن بسيط, دى الدنيا اتغيرت, بس قول لى مش دى حكومة الارز بـ 16 ولا 21, و بعدين بقى بـ 35 وصحيت من النوم 21 سبتمبر 2023

محدش يزعل: 3

محدش يزعل: 3 بعض ممن يهاجمون لاهوت السيد المسيح, يتسألون كيف ينكره تلميذه ويخونه اخر؟ وللاسف بعض المسيحيون يقعون فى نفس التساؤل, بخصوص الكهنة و الخدام, كيف يفعلون هذا وهم يمثلون اللـه, ويخدمون بيت الرب, كأن هؤلاء ليسوا بشر ومن الطبيعى ان يخطئوا, والشاطر اللى يفضل فى بيت ابوه مهما حصل, ما يعملهمش حجة لبعده عن بيت ربنا طريق ربنا معروف, امشى فيه حتى لو لوحدك ارجع لربنا زى موسى الاسود و اكيد هتلاقى الانبا ايسيذورس فى انتظارك, تقدر تاخد الخطوة الاولى خدها "فكل ما قالوا لكم أن تحفظوه فاحفظوه وافعلوه، ولكن حسب أعمالهم لا تعملوا، لأنهم يقولون ولا يفعلون." (مت 23: 3). "من أنت الذي تدين عبد غيرك؟ هو لمولاه يثبت أو يسقط. ولكنه سيثبت، لأن الله قادر أن يثبته." (رو 14: 4). 30 اغسطس 2023

محدش يزعل: 2

محدش يزعل: 2 كنت بتكلم مع شخص ما فبيقولى انا لى 10 سنين مدخلتش الكنيسة رغم انى ساكن جنبها ليه؟ فى مشكلة معينة؟ من عشر سنين ابونا زعلنى و قال لى كلمة زعلتنى قوى طب متروح تعاتبه او مش لازم تقابله, او قول لحد يقول له انك زعلان لا, مش هاعمل كده ابونا لازم يجيلى بنفسه, وممكن ساعتها اسامحه طب قول لى اسم ابونا والكنيسة وانا اكلمه, لا, انا حر فى قراراتى الكنيسة فيها كهنة كتير, روح لواحد غيرها او روح كنيسة تانية, شبرا فيها كتير و كلهم جنب بعض انا مرتاح كده , ملكش دعوة انت ضيعت من عمرك عشر سنين بعيد عن ربنا ومتعة الحياة مع ربنا انت الخسران, والكنيسة اللى مش عاوز تروحها على رجليك فى يوم هتخشها على ظهرك, و يمكن ابونا اللى مش عاوز تروح الكنيسة علشانه هو اللى يصلى عليك ويقول اغفر له يارب, "ولكن الذي لا يعلم، ويفعل ما يستحق ضربات، يضرب قليلا. فكل من أعطي كثيرا يطلب منه كثير، ومن يودعونه كثيرا يطالبونه بأكثر." (لو 12: 48). "لذلك أنت بلا عذر أيها الإنسان، كل من يدين. لأنك في ما تدين غيرك تحكم على نفسك. لأنك أنت الذي تدين تفعل تلك الأمور بعينها!" (رو 2: 1). 30 افسطس 2023

محدش يزعل

محدش يزعل: تلاقيه عمال يكتب الكنيسة مش بتسأل فى ومحدش بيفتقدنى, وتسأله انت تعرف مواعيد اب الاعتراف و القداسات, ايوه اعرفها, طب مش بتروح ليه فى حاجة تمنعك مرض او شعل او خطية مسيطرة عليك, لا نشكر ربنا, طب مش بتروح ليه؟ علشان محدش بيسأل على. عرفنا خلاص ان الكنيسة مقصرة معاك بس الحجة دى مش هتنفع قدام ربنا, انت مش مفلوج ليك 38 سنة, انت كامل العقل و الصحة وعارف الطريق كويس وباب الكنيسة مفتوح مش مستنى دعوة, وربنا يسامح الخدام على تقصيرهم, صليلهم علشان ربنا يقويهم ويساعدهم على الخدمة 28 اغسطس 2023

بغبغاوات

بغبغاوات مشكلة الفيس ان كثيرين بيكرروا الكلام و البوستات دون اى تفكير او حنى تروى كتبت زمان ان لقب "سيدنا" ليس معناه السيادة و العبودية و جبنا ادلة من البرديات اليونانية و القبطية من القرن السادس و السابع, و لسه ناس بتكرر الكلام القديم, علشان جى على هواها وللاسف منهم عمم, تلاقى اللى يقول ما الانبا فلان قال كده, ماشى يا عم الانبا فلان لم تكن معلوماته كاملة فى النقطة دية و لا هو معصوم من الخطأ, و لا حسب مزاجنا بنعيد الكلام 28 اغسطس 2023

من اظرف ما قابلنى

من اظرف ما قابلنى فى بيبلوجرافى الاساقفة, انك تلاقى معلومة فى كتاب متكررة فى كذا كتاب و مقال ولحد ماتوصل للمصدر الاصلى اللى كلهم نقلوا منه تكتشف ان المعلومة دى غلط وللاسف واضح وساذج فى احيان اخرى, و تتسأل مفيش حد من اللى نقل المعلومة فكر يراجعها او حتى يشير لاحتمال وجود خطأ, كله بينقل من كله دون مراجعة ربما لثقتهم فى المصدر الاصلى و لكن لا يوجد من لا يسهو او يخطىء, والمعلومات من النوعية دى مش قليلة حتى انى عملت ليها ملف خاص باخطاء المراجع المنشورة اتمنى ان ربنا يدينى العمر و الصحة و اكمله ولو ما حصلش اتمنى ان تعب السنين دية ميرحش وحد يكمله بعدى, صلواتكم 28 اغسطس 2023

نظرة اخرى لتاريخ الكنيسة القبطية

نظرة اخرى لتاريخ الكنيسة القبطية دراسة تاريخ الايبارشيات و الاساقفة الاقباط, بتخليك تشوف صورة اوسع للاقباط خارج عن تاريخ البطاركة و سير القديسيين, حقيقى مليانة حاجات حلوة مثلا تاريخ ايبارشيات النوبة والاساقفة, تاريخ امتد اكثر من 700 سنة, رائع ومازالت سطوره تكتب كل يوم, تحتوى على اسرار تكشف لاول مرة عالم لاينتهى من اكتشاف الجديد كل يوم, و تنتظر حتى يصل للفضاء الالكترونى لكى تستطيع الاطلاع عليه عالم المعرفة لاينتهى ابدا 2 اغسطس 2023

يحكى ان

يحكى ان: كان فى قرية سياحية مشهورة جدا على مستوى العالم, جه واحد معاه شوية فلوس و كان عاوز يبنى قرية سياحية فى نفس المنطقة قصاد تلك القرية يش على الشط الثانى, طب يعمل ايه؟ راح لصاحب القلاية الاولى و اداله شوية فلوس علشان كان مزنوق شوية و قاله هاخد المنطقة اللى بيننا خليها معاك دلوقتى بس بشرط متعملش فيها اى مشاريع تانى لحد ما انا اعوزها! بعد فترة راح له, وقال له خد الفلوس دى و ابنى قرية سياحية بعيد عن هنا, واشتغل فيها, والقرية الاولانية سيبها متطورش فيها ولاتعملها دعاية لحد ما انا اشغل قريتى و اخذ زباينك وبعدين راح تانى علشان ياخد ايه؟ مفيش بقية للحديث....... 2 اغسطس 2023

هكذا وصفوه

هكذا وصفوه: بتلك الكلمات وصف كاتب المقال البابا شنودة الثالث "حمل (تحمل) الصليب بفخر وسط المسلمين" انه كاتب مقال مجلة التايم, المقال الشهير "أزمة الأقباط في مصر .. أقدم مجتمع مسيحي (christian community) يحارب من أجل أمن هش" و الذى ذكر به تعليق القمص متى المسكين على قرارات السادات, و الذى صرح بعد اغتيال السادات ان الصحفى فهمه خطأ و لنا عودة للمقال مرة اخرى للحديث بقية 30 يوليو 2023

الحقيقة

"the truth, the whole truth and nothing but the truth" 1- تقدم الحقيقة فقط كحقيقة و توضح الاراء الشخصية و الامور التى لم تثبت صحتها او الغير متفق عليها 2- تقدم كل الحقيقة و ليس فقط الجزء اللى يناسب افكارك و ميولك او تتفق معه و تخفى الحقائق الاخرى 3- قدم الحقيقة فقط و لا تقدم او تخلط معها ارائك الشخصية و تتوه الحقيقة وسط الاكاذيب و الاراء الشخصية 27 يوليو 2023

قلب التاريخ تفهم: (2)

قلب التاريخ تفهم: (2) "فتقدم صدقيا بن كنعنة وضرب ميخا على الفك وقال: «من أي طريق عبر روح الرب مني ليكلمك؟»." (2 أخ 18: 23). فى سفر اخبار الايام نسمع تلك الاحداث الغريبة, ملك يهوذا و ملك اسرائيل يردون الذهاب للحرب و كل الانبياء قالوا لهم ستنتصرون ماعدا ميخا النبى الذى شهد للحق فماذا حدث؟ قام صدقيا احد الانبياء الكذبة و ضرب ميخا على فمه و قال له كيف خرج منى روح الرب ليكلمك لتتنبأ, روح الرب عندى انا, انت لا تفهم شيئا, نحن نحتكر المعرفة, ان ابينا كان يكتب بروح الرب اما انتم فمن روح العالم, ان كنائسكم ليس بها روح اللـه هو هندنا نحن فقط, نحن نصلى بالروح اما انتم بالجسد, انتم جهلة ولكن ظهر الحق و تحقق كل كلام ميخا النبى و هرب الملوك و الانبياء ولكن للاسف بعد ان ضلوا الشعب ومات منهم الكثير فى الحب تحقق ايها الملك من مشيريك, وانظر لمن تعطى اذنيك لانك ستطالب بدم هؤلاء "فقال: «رأيت كل إسرائيل مشتتين على الجبال كخراف لا راعي لها. فقال الرب: ليس لهؤلاء أصحاب، فليرجعوا كل واحد إلى بيته بسلام»." (2 أخ 18: 16). 21 يوليو 2023

قلب التاريخ تفهم

قلب التاريخ تفهم: خرج الكل من مجمع نيقية 325م وهم يعتقدون ان الاريوسية انتهت فقد صدر قرار الحرمان وقام الشماس اثناسيوس بتفنيد كل التعاليم الاريوسية و اعطاه درسا فى الايمان ولكن ظلت الاريوسية حية سنوات طوال و عانى منها البابا اثناسيوس النفى 5 مرات, وربما قال الاريوسيين هذا ذنب مافعله فى ابينا اريوس و تفاخروا بانتصارهم, ولم تنتهى الاريوسية حتى الان بل عادت باشكال كثيرة وكذلك اعتقد الكل ان النسطورية انتهت بعد مجمع افسس 431م بعد نفى نسطور الى مصر معقل الايمان السليم و تفنيد البابا كيرلس لتعاليمه و صار لقب الثيؤطوكوس على افواه كل المؤمنين ولكن ظلت النسطورية حتى الان, وفى وقت ما كانت اكبر تجمع دينى على مستوى العالم وفى الوقت الحاضر صاروا فى حضن الكنيسة الكاثوليكية وباركتهم وقبلتهم فهل انتصار الباطل وصموده حتى الان يعنى ان به شيئا من الحقيقة, ام هى دلالة على طبيعة الانسان و عقليته التى لم تتغير على مدار التاريخ, نصير مثل اللـه عارفين الخير والشر, شهوة المعرفة المتميزة المتفاخرة ان من حولى لايعرفون شيئا ونحن مقياس المعرفة حتى ولكن اللـه ذاته, فكثيرا ما نعترض على حكمة اللـه و نريد ان ندير الكون بحكمتنا مثل ابوينا الاولين ولكن ثقوا ان ربنا موجود للحديث بقية.......... 21 يوليو 2023

احترت و احتار دليلى

احترت و احتار دليلى: اليومين دول نغمة ماشية ضرورة التعليم اللاهوتى فى الكنيسة, ايمان الكنيسة و اللاهوت المقارن و اللاهوت الدفاعى, و كلام كتير عن اهميتهم كلام كلام كلام و الحقيقة لينا سنين مفيش كلام غير لا ضرورة للتعليم الاهوتى و بالاخص المقارن و الدفاعى علشان كوز المحبة مايتخرمش, و كاهن وقور طالع كل اسبوع فى قناة فضائية يبردد الكلام ده و غيره عايش بمبدأ التنوع الجميل, و الكبير بتاعهم كتبه مراجع اساسية لكل من يهاجم المسيحية و غيرهم كتير ولكن الشباب يتشتت و مايعرفش الحقيقة فين و يشك فى تعاليم كتيسته اللى اتربى فيها, مين يتحمل المسئولية و يشيل دم هؤلاء! المهم علشان نريح دماغنا: عاوزين تعليم لاهوتى و لا نخلينا فى كوز المحبة؟ ياريت نلاقى اجابة قبل ماتش الاعتزال اللى قرب, شكرا 14 يوليو 2023