التطور الطبيعى للبلطجة

التطور الطبيعى للبلطجة :
- زمان كان فى العلن البلطجى يخاف من الشرطة و فى السر كان البلطجى بيخاف من الشرطة
- ثم صار البلطجى بيخاف من الشرطى فى العلن و وفى السر بيدفع فلوس للشرطة علشان تسيبه
- ثم صار البلطجى بيخاف من الشرطة فى العلن و فى السر بيساعدها بالمعلومات عن الجرائم اللى بتحصل علشان تسيبه
- ثم صار البلطجى بيخاف من الشرطة فى العلن و فى السر بقت الشرطة بتدفع له فلوس علشان يساعدها فى تأديب اللى ضد الحكومة
- ثم صار البلطجى مش بيخاف من الشرطة فى العلن وفى السر بيتعاونوا معا فى الانتخابات و فى ضرب المتظاهرين
- ثم صارت الشرطة تخاف من البلطجى فى العلن و بتتفق معاه فى السر لخدمة الحكومة والاخوان
- ثم صار البلطجى يحمى الشرطة فى العلن و يشترك معها فى ضرب المصريين و ياخد منها فلوس فى السر
- و مستقبلا صار للبلطجى سلاح مرخص و ضبطية قضائية و زى رسمى و تحولت الشرطة لديكور فى مصر
وده التطور الطبيعى للحاجة الساقعة فى مصر و اتمنى ان لا اكون نسيت مرحلة , فكرونى لو كنت نسيت , معلش العتب على النظر 

wrote in April 9

صدفة غريبة

تصدقوا صدفة غريبة :
فى بداية تولى البابا شنودة حدثت حادثة الخانكة ( خناقة عادية تحولت لهجوم على المسيحيين )
وفى بداية تولى البابا تاوضروس حدثت حادثة الخصوص ( جريمة عادية تحولت لهجوم على المسيحيين )
و الاثنين الخانكة والخصوص منطقة واحدة !!!!!!!!!!!!!!!!
الخصوص دلوقتى تبع ابو اسماعيل ! طب الخانكة زمان كانت تبع مين ؟
اللى يعرف يقول

wrote in April 9

أشباح الماضى

لكى تهرب من أشباح الماضى تدمر الحاضر و تخرب المستقبل , الأفضل أن لا تصنع للماضى أشباحا فى خيالك فالماضى قد مضى ولن يعود ! ( مقولة للى يفهم )
تونى
wrote in April 8 

اتمنى أن تقوم الكنيسة بعقد مؤتمر صحفى عالمى لشرح ما حدث فى الكاتدرائية و موقف الكنيسة الرسمى بدلا من ان نترك لهم الإعلام ليقولوا مايريدون
مجرد إقتراح !
 تونى
 wrote in April 8

تحذير هام

تحذير هام :
شعار مسلم + مسيحى = أيد واحدة , شعار جميل
احترسوا عند كتابته تأكدوا من المكان جيدا لأن اخوتنا السلفيين لا يرون فيه سوى علامة + و يفهمونها بشكل أخر لغرض فى نفوسهم خدوا بالكم فهى علامة تسبب لهم الامراض النفسية الخطير
او انسوا هذا الشعار فهو جيد عندما يكون لمصلحتهم و و غير ذلك عندما يكون فى مصلحتهم أيضا و ربنا يحافظ على اولاده

wrote in April 6

الليمونادة

" لانها طرحت كثيرين جرحى وكل قتلاها اقوياء " أم 7 : 26
لا أعرف لماذا تذكرت تلك الأية و أنا أقرا كتاب النعمة للقمص متى المسكين !

الليمونادة :
عصير الليمون مالح لأن الليمون من الموالح
ولكن إذا أضفنا إليه الماء و السكر يختفى قليلا الطعم المالح و إذا أضفنا المزيد يختفى تماما
ولكن إذا أضفنا عصير الليمون مرة أخرى تزداد الملوحة
يصير الليمون من المشروبات الحلوة بسبب السكر والماء المتحد به و ليس لأن الليمون تغيرت طبيعته و صار مثل السكر
صار عصير الليمون مشابها ومشاركا للسكر فى الطعم لاتحاده بالسكر والماء و ليس لأنه أخذ صفات السكر و الماء وصار من المواد السكرية
كلما زاد السكر زادت الحلاوة و كلما زاد الليمون زادت المرارة
و إذا أستطعنا بطريقة ما عزل السكر و الماء يعود الليمون لطبيعته المرة
فلا تتغير طبيعة الليمون او صفاته لإتحاده بالماء و السكر و يصير مشابها لهم ويأخذ صفاتهم .
حد فاهم حاجة ؟
اللى هايفهم له حاجة حلوة : ليمونة !
wrote in April 1

سؤال سخيف

سألنى أحدهم : هل توجد علاقة بين عرض كفن السيد المسيح يوم سبت النور عند الكاثوليك و ظهور النور المقدس من القبر فى يوم سبت النور عندنا فى اوشليم ؟
هل يفعلون هذا لأن النور مش بيطلع فى اليوم بتاعهم ؟
سؤال سخيف مش صح !!!!!!!!!!
wrote in April 1

الديموقراطية الافريقية

الديموقراطية الافريقية :
عندما يحدث إنقلاب فى احد الدول الافريقية وهو امر طبيعى يحدث دوما
يصدر بيان يكاد يكون واحدا فى كل الدول
لن نبقى فى الحكم و سنعمل على نشر الديموقراطية و إجراء إنتخابات حرة ولن نترشح بها
و لكن هذه المرة عندما قرأت باقى الخبر كانت المفاجأة
قد قرروا فعلا ميعاد الانتخابات الحرة !!
اوفوا بوعدهم فعلا
ستجرى الانتخابات الديموقراطية بعد ثلاث سنوات فقط و سيعملون خلالها على التمهيد لها
تحيا الديموقراطية الافريقية

wrote in March 28