علاقتى باللغة العربية

علاقتى باللغة العربية طوال فترة الدراسة كانت غريبة!! 

رغم انى كنت بانجح فيها على طول

علشان اللى بيسالونى ليه مش بنشر حاجة!

بس ده سر كبير مش هاقوله دلوقتى

اعتراف

اعتراف
فى نهاية السنة القبطية 

و نهاية عام من الخدمة 

و قبل بدء عام جديد
اعترف اننى كنت مقصر فى خدمتى هذا العام بشكل كبير
وتركت مشاكلى الخاصة تؤثر فى خدمتى 

و تاخد من وقت الخدمة
و لكن انت بلا عذر ايها الانسان
نتمنى ان ربنا يرجعنا من سبى تلك الامور قريبا
لان البديل سيكون غير مقبول فى الخدمة
صلواتكم لكل الموجودين فى حقل الرب
سامحونى

نص قبطى

نص قبطى 

عن نزول السيد المسيح للجحيم بعد الصليب

كل ما اكتبه احس ان حرارة الجو بتزيد

شكل النص له تأثير

امال فى الترجمة هيحصل ايه

نصيحة

نصيحة للخدام فى بداية الخدمة الجديدة 

غلّىِِ اولادك فى عينيك 

(اجعلهم غاليين , زود فى قيمتهم)

الشجرة التى شاخت :(2)

الشجرة التى شاخت :(2)
ليس بالضرورة شيخوخة العمر , و لكن توجد شيخوخة اخرى
عدم القدرة على اعطاء ثمر على الاطلاق
عدم القدرة على اعطاء ثمر كثير يليق بها
عدم القدرة على اعطاء ثمر من نوعية جيدة
عدم القدرة على اعطاء ثمر مقبول للاخرين
عدم القدرة على اعطاء ثمر يرضى الفلاح
كل هذا بالتأكيد له أسبابه و تحتاج لعلاج
و الا الحل ان تقطع تلك الشجرة تماما
و لكن صاحب البستان يقول اتركها تلك السنة ايضا
و الشجرة تقول ملعون من يعمل عمل الرب برخاوة
مش مجرد وجود لكن اعطاء ثمر جيد جدا

فى نفس التوقيت

كل سنة وفى نفس التوقيت تيجى تشرف أفكار "ترك الخدمة" و طبعا بتيجى و معاها اسبابها و كلها حقيقية , يعنى الواحد لو قدامه قصة "حدث فى تلك الليلة" لقداسة البابا شنودة مش هيتجرأ يقرب من بوابة "مدينة الخدام" لكن ده لو عندى شوية إحساس
و المشكلة الناس تقعد تمدح فيك و تقول عليك كلام حلو و تسكت بحجة الحفاظ على صورة الخدمة و يبقى من بره هلا هلا و جوه يعلم اللـه
ربنا يسامحنى
و يرشدنا للقرار الصحيح

صورة الخادم

صورة الخادم بتبقى حلوة فى عيون الناس

 لما يكونوا اولاده حلوين 

وبتبقى حلوة فى عيون اللـه 

لما تكون عيونهم نحو السماء

امسك لسانى بالعافية

وسط المجادلات المنتشرة الان , توجد مقالات فى غاية الروعة و دراسات متعمقة تستحق الاحترام نتعلم منها الكثير و لكن للاسف تتوه وسط التعليقات السخيفة الاكثر عددا
لمصلحة من هذا الامر ؟
من يريد ان تختفى الحقيقة وسط الفضاء الالكترونى ؟
لمصلحة هذا التشتت !
احيانا امسك لسانى بالعافية و امتنع عن الرد على بعض التعليقات , احتراما لهولاء الاشخاص ووظيفتهم!!!! و كمان ده مش اسلوبى
لكن مايستحقوش غير واحد ......

حوار الطرشان

حوار الطرشان :
اعتذر لمن سألونى عن رأيى فيما يحدث الآن من مجادلات و حوارات على الفيس
عندى ما يشغلنى الفترة الماضية و القادمة
و لكن
الطرفان يتكلمان بادلة من الكتاب المقدس و الاباء و يرفضان ادلة الاخر , بالتاكيد يوجد شىء خطأ مش معقول الاتنين غلط او صح ,فى مشكلة تحتاج توضيح
بعض التعليقات بتخلينى اضحك وسط هذا الجدال لا داعى لذكرها علشان اصحابها ميزعلوش
اساسيات الحوار و للاسف اساسيات الايمان غائبة عن كثيرون
للحديث بقية بعد نهاية العمر إذا كان لينا عمر........

الخروج من الرف

كنت عامل موضوع عن العذراء مريم و كان فاضل شوية نقط بسيطة و لكن الفترة اللى فاتت كنت مشغول فركنته شوية و لما ابتديت اشتغل فيه تانى , مش عارف ايه اللى حصل خلانى اعيد صياغته من تانى من الاول للاخر , حاولت اخلصه قبل عيد العذراء لكن اضطريت لاختصار نقط كتير بقى عامل زى الاطفال المبتسرين الى فى الحضانة و اسف اخر طاقتى فى تلك الفترة
هو فى المراجعة الآن ثم سيظهر فى النور بعد العودة من المؤتمر بإذن الرب و ربما يستكمل نموه مرة اخرى فى رحم اخر
نشكر ربنا
ربما سيكون الموضوع التالى الذى يخرج من الرف بهذه الطريقة

كان يعرف حقيقته

وقف ليتكلم و هو لا يعرف شيئا, ولايفهم شيئا
صفقوا له ليرفعوا روحة المعنوية
كان يعرف حقيقته انه .....

مش معاه فلوس

مش معاه فلوس
فى حوار فى احد المسلسلات الاجنبية بين رجل دين و شخصية عقلانية اكاديمية عن السيد المسيح
قال رجل الدين : ان السيد المسيح لو كان فى عصرنا الحالى لعمل محامى ليدافع عن المظلومين وكان ليدافع عن الجميع مجانا
فرد عليه العقلانى الذى لا يؤمن الا بالعلم و قال : لن يكون محامى ابدا
فساله رجل الدين : لماذا ؟
اجاب الاكاديمى : لان ظروفه الاقتصادية حسب ما ذكر فى الانجيل لن تؤهله لدراسة القانون لان الدراسة غالية عليه جدا😎😎😎😎😎
( فى امريكا طبعا لكن فى مصر الحقوق كلية الشعب )

المركز الرابع

مش عارف ليه ميعملوش ميدالية او تذكار

 للمركز الرابع فى كرة القدم

 شكل الفريق الرابع بيبقى وحش فى الملعب

 و الثالث بياخد ميداليته

انا بقيت " kaka "

انا بقيت " kaka "
كتب لى صديق افريقى ردا على معايدتى له "thanks kaka" فاستغربت الكلمة
و كنت بسمعها كتير فى افلام اسماعيل ياسين
فى الترجمة طلع معناها شكرا يا اخى باللغة السواحيلى
كنت هظلم الراجل معايا

همسة عتاب

همسة عتاب : ( نكتفى بهمسة علشان مش فاضى )
تدور الان معركة اونلاين بين فريقين
الفريق الاول و هم يتبعون مدرسة القمص متى المسكين و تلاميذه و يهاجمون الفريق الاخر و يتهمونهم بانهم يهاجمون البابا تاوضروس و انهم سذج فى العقيدة و لا يعرفون شيئا و يسببون بلبلة فى الكنيسة و جهلة بالغة اليونانية و ان الامر مجرد وقت و ينتهى التعليم القديم
و الفريق الثانى و هم يتبعون مدرسة البابا شنودة و من سبقوه من المعلمين الكنسيين و يهاجمون الفريق الاول بانهم يهاجمون البابا شنودة و يتهمونه بالهرطقة و انهم يحرفون الايمان و انهم يسيرون وراء تعليم كنيسة الروم الارثوذكس و يميلون للتعاليم الكاثوليكية و البرو تستانتينية و انهم يقدمون نصف الحقيقة فقط و ان امرهم سينكشف سريعا و ينتهون سريعا
و اصبحنا نسمع عن الكنيسة الفلانية و انها معقل لفريق و الاخرى معقل لفريق اخر و ان الكهنة منقسمين !!
و يتسأل البعض اين الحقيقة ؟
كل فريق يتهم الاخر بانه يقدم نصف الحقيقة
كل فريق يتهم الاخر بالجهل و السطحية
محبى القمص متى يتبعون اقواله و يقولون انه لا يمكن ان يخطىء و اذا كان يقدم نصف الحقيقة فذلك لانه النصف الحقيقى الصحيح و النصف الاخر غير متفق عليه او تقليد انسانى
من تربوا على تعليم الكنيسة القبطية الارثوذكسية يؤمنون بما يقال لهم من ابائهم الذين يثقون فيهم و ائتمنتهم الكنيسة لذلك و لا يعرفون التعاليم الجديدة للفريق الاول
و تتوه الحقيقة و يتوه الايمان المسيحى الارثوذكسى
و يطلب دم كل هؤلاء من يد المعلمين فى الكنيسة
الحقيقة اصبحت شخصية انا احب فلان سامشى وراءه ليس لدى الوقت لادرس و اتعلم و اقارن و افهم و افحص و اعرف الحقيقة , و للاسف صدمت فى شخصيات كثيرة فى كنيستنا كنت اعتقد انها امينة على التعليم الكنسى
معرفة اليونانية ليست هى المفتاح للحقيقة , فاريوس كان يتحدث اليونانية و كل المهرطقين ظهروا فى عصر الاباء من المتكلمين باليونانية و اعتقد مارتن لوثر كان يجيد اليونانية !!
حزين جدا على مايحدث
و حزين لاننى لا استطيع المشاركة فى ذلك الامر لان من يدى سيطلب دم كثيرون
و لكن انشغالى فى تلك الفترة يمنعنى من هذا الامر
و ربما هى فرصة للهروب الى ترشيش
للحديث بقية .....