الغربة طالت يا ولدى

الغربة طالت يا ولدى :
اصعب مشكلة بتواجهنا الايام دى , الشعور بالغربة
انك تحس انك ماشى فى الطريق لوحدك , محدش مهتم بيك , محدش يعرف ظروفك و لا مهتم انه يعرف , تحس انك غريب وسط الناس
اصعب درجة هو الشعور بالغربة عن ربنا , نحس اننا غرباء عنه منعرفش عنه حاجة و لا هو كمان يعرفنا و انه غير مهتم بينا و مشاكلنا , و لو وقعنا مش بيهتم بينا و الاصعب اننا نشعر بانه يعرف ناس و احنا لا !!!
الاحساس بالغربة عن انفسنا مش عارفين احنا عاوزين ايه , مش مهتمين بحياتنا , كلمة " مش فارقة " بقينا بنرددها كتير
الاحساس بالغربة عن العيلة , مش مهتمين بما يحدث فى حياتهم و لا بنراعى مشاعرهم و احاسيسهم و احتياجتهم , و ده شىء طبيعى مش لما نهتم بانفسنا الاول
الاحساس بالغربة عن الكنيسة , بيتنا اللى بنلاقى فيه الراحة , تحول فى حياة الكثيرين لمكان للصراع و التسلط , بقينا بندور على راحتنا بره , غربة عن طقوسها و صلواتها و تراثها
الاحساس بالغربة عن بيتنا , مش بيتنا السماوى لكن بيتنا على الارض مجتمعنا و حياتنا و مستقبلنا على الارض
بالتاكيد من يشعر بالغربة عن كل هذا , سيشعر بالغربة عن السماء , رحلتنا بتبدأ هنا على الارض و تستكمل فى السماء
يوجد فرق بين الشعور بالغربة و حياة الغربة التى عاشها ابائنا على الارض
للحديث بقية ......