انا عاوز اموت شهيد :
امس و انا راكب الاتوبيس دار حوار بين الكمسارى و رجل سورى راكب معاناالمهم فى الحوار السورى بيقول احنا هنا كويسين علشان مافيش صواريخ نازلة علينا
و الكمسارى بيقول ياريتنى كنت فى سوريا , سوريا اجمل من مصر
و لو عاوز اهرب منها هروح تركيا اللى هى اجمل من مصر
ايه اللى يجيبنى مصر , و لو مت هاموت شهيد
, انا عاوز اموت شهيد فى سوريا !!!!!
كلام مش عاوز رد و لكن الاصعب هو السبب اللى قاله و عنده حق فيه
فى مصر قلبنا مش على بعض زى بره , مش بنخاف على بعض زى بره
قال : تروح بابنك المستشفى متلقيش الدوا علشان واحد تانى اخده و باعه
مش مهم مين محتاج الدوا المهم هكسب انا كام من الدوا
, دى نظرية المصريين , المهم انا هكسب كام مش مهم غيرى هيخسر ايه ؟
حتى و لو خسر حياته المهم انا ابقى كسبان
ليست هناك تعليقات:
إرسال تعليق