حلم صعيدى : ( 3 )

حلم صعيدى : ( 3 )
مش عارف ازاى فاتت الرحلة بسرعة كده حلم جميل
اليوم الثالث :
طبعا بعد ليلة من الف ليلة و ليلة , كان لازم يكون لليوم ده طعم خاص
اديرة اخميم , و احداث فى التاريخ القبطى لا تنسى
دير الملاك ميخائيل ., من الزحمة معرفناش ندخل علشان القداش كان لسه شغال , لكن فى ناس دخلت و حاولت تاخد بركة جسد الملاك
دير الشهداء , و الاجساد فى كل مكان , شهداء ليلة عيد الميلاد , كل واحد له حكاية بس مين يعرفها
دير العذراء , و عودة للحياة الرهبانية فى المنطقة بعد خراب سنين , مافيش مستحيل عند ربنا , و ايقونة العذراء الرائعة
دير الانبا توماس , و الفول و المش
دير الانبا بساده ,نفسى كنت ازوره من زمان , و مدخل الاجساد واحد يقف لواحد احتراما
دير مارجرجس الحديدى , ليه فيه ذكريات اول زيارة زمان , شيل الحديد يا مرجرجس و ممر القديسين .
حقيقى اول مرة ازور ستة اديرة فى اخميم كل مرة كان فى واحد بيفوت

حلم صعيدى : ( 2 )

حلم صعيدى : ( 2 )

مش عارف ازاى فاتت الرحلة بسرعة كده حلم جميل

اليوم الثانى :

دير درنكة , دير العذراء , من اجل الاماكن بالنسبة لينا الاسايطة يعنى , تقعد فى حضن الجبل و يا بخت اللى يقعد فى حضن الرب يسوع او يتأمل فى العذراء مريم و جمالها
و مغارة الاسيوطى , يوحنا الاسيوطى , الواحد بيستغرب ازاى كانوا بيطلعوا كل الارتفاع ده علشان يسمعوا كلمة من فمه الطاهر
و نزور حبيبنا الانبا ميخائيل و نقول له صلى علشانا كثير
دير الجنادلة , دير العذراء , كنيسة روعة , تفرح قلب اللى يصلى فيها , و رغم انها فى فترة كانت مسكن لصوص , لكن رجعت تنور تانى و تعطى رجاء
لانها مسكن القديسين , اللى مستحملش اللصوص يشوفوا عيونهم فمسحوها
و فى الدير للجنادلة , نشوف كنيسة الامير تادرس فوق الجبل , دير ريفا , و نسلم على ابوقلتة فى ريفا و ماربقطر فى موشا و الامير تادرس فى شطب و البابا اثناسيوس فى دير الزاوية , مار يوحنا فى دوينة , الانبا ابوللو فى دير البلايزة
و ام الغلابة , معلش هى كلها فى مصر عندنا
الدير الابيض , انبا شنودة , عملاق حياته تدرس , كنيسته جبارة تشهد لاعمال عظيمة , ومغارة للاسف مطلعتش فوق علشان ازورها الدنيا كانت ظلمة
الدير الاحمر , الانبا بيجول و الانبا بيشاى , اجمل كنائس مصر , مهما طمسها الظلام ترجع تنور , تشهد لعظمة الحضارة القبطية
اما كنيسة الانبا كاراس , مش هاقول رايى علشان محدش يزعل منى
اما المبيت له حكاية لوحده ممكن نحكيها
و لسه اليوم الثالث
بس حلم و خلص

حلم صعيدى : ( 1 )

حلم صعيدى : ( 1 )

مش عارف ازاى فاتت الرحلة بسرعة كده حلم جميل

اول يوم

 دير جبل الطير المكان اللى الرب يسوع جه و طلع الجبل و قعد فى المغارة و طبع كفه فى الصخر
دير ابوحنس , يحنس القصير اللى هرب من البربر علشان لو حد قتله هيروح الجحيم بسببه , خايف على خلاص البربر
دير البرشا , الانبا بيشوى , المكان اللى شال فيه الرب يسوع على كتفه و طلع بيه الجبل , كان نفسى اطلع انا كمان , ممكن كنت اشوفه
انصنا , الارض اللى اتروت بدماء الشهداء اكثر من 6 الاف شهيد , النيل بيطرح كل فترة اجسادهم الطاهرة
دير المحرق , فى وسط ارض مصر كنبوة اشعياء , المكان اللى قعد فيه الرب يسوع 6 شهور و دشنه بيديه , و الكلمة الحلوة من ابونا الراهب عن كنيستنا
و لسه اليوم الثانى و الثالث
بس حلم و خلص

كنت دائما اقول

كنت دائما اقول , إذا اردت ان تعرف مدى اهتمام ادارة الكنيسة بشعبها انظر الى حمامات الكنيسة !!!!!!!!!!!!
ربما اكون مخطئا فى ذلك , لكن لا انسى ما سمعته مرة من احدى مرضى السكر و هى تشتكى من عدم قدرتها للذهاب للكنيسة علشان مش هتقدر تدخل الحمام لسوء حالته
كنت اود ان اعاتب ادارات الكنائس فى الصعيد و لكن لا استطيع لان كثير من كنائس القاهرة و المدن , لاتختلف الامور فيها
اتمنى ان لا اسمع : انت جى تصلى و لا تخش الحمام

من ميمر " توبة اهل نينوى "

من ميمر " توبة اهل نينوى "
زخارياس اسقف سخا
• وكان يعرف
• لو شحذ حصاد غضبه , سيشفق و لا يحصد الذين على الارض
• و اذا اعد فاس غضبه , لن يستاصل طبيعة البشر
• و اذا اوتر سهم الموت , لن يضرب جنس ادم
• لكن بالكلمة يهدد و يتهم و بالفعل يرحم و يعزى
• يوم يغتاظ و لكن دائما يهتم
• و يغضب على الخطاة بشدة , و لا يحارب ضدهم الى التمام
• متذكرا انه خلق الانسان على شبهه و صورته
• كان خائفا كما قلنا , اعنى يونان
• لئلا يضع عليهم سيف الشدة , و اللـه نفسه يضع عليهم دواء المغفرة
• لئلا يضرم بهم لهيب القصاص , و اللـه نفسه يمطر عليهم ندى رافاته الكثيرة
• لئلا يكرز بالموت , و اللـه نفسه ينعم لهم بالحياة
• لئلا يتكلم هو بالفناء عليهم , و اللـه نفسه يمنح لهم النجاة و الخلاص معا
- البقية فريبا ان شاء الرب
" كنت اتمنى ان ترى النور قبل صوم يونان
" ميمر توبة اهل نينوى " زخارياس اسقف سخا
انتهت ترجمته من القبطى , لكن مراجعة و تهذيب الترجمة العربية لم تنتهى لظروف كثيرة اتمنى ان تظهر على اكمل وجه على قدر المستطاع و لكن هذا الامر يحتاج وقت , اتمنى ان تظهر قريبا , رغم عدم تأكدى لهذا الامر , لان الكمال ليس له حدود و كل يوم تظهر امور جديدة فى النص و المقدمة و لانى اخشى ان ترقد بسلام بجوار اخواتها فى الرف "

لا تخف من الباطل

لا تخف من الباطل أن ينتشر أو ينتصر الباطل
لابد أن يهزم أمام صمود الحق مهما طال الزمان..
ولكن كل جليات له داود ينتظره وينقض عليه باسم رب الجنود
قداسة البابا شنودة الثالث

افة هذا العصر

افة هذا العصر : شخصنة المعرفة
طباعة فخمة و دعاية و المحصلة ولا حاجة
بس ده فلان لازم يكون صح

جى يقول نصيحة

جى يقول نصيحة : حاول تقول على كل حاجة انها حلوة , و لو ليك ملاحظة متقلهاش ! و لو فى حاجة مش عجباك متقلهاش !
ليه النصيحة دية ؟
بيرد و يقول علشان هتكتشف ساعتها انك الوحيد اللى مش عجباك و انت الوحيد اللى مش بتفهم حاجة فى الامور النفسية و هتسمع شجعوا صغار النفوس , مش لازم نقول وحشة , اكيد انت مش فاهم الظروف , و اللى بيقولوا حلوة قدام الناس هم نفس الناس اللى هتمسح بيها الارض فى قعداتهم الخاصة , خليك حبوب و قول كل حاجة حلوة
بردة نصيحة مقبولة , شكرا بس انا مش هعمل بيها , هقول رأيى باحترام و بطريقة مناسبة ووقت مناسب بس بصراحة

عاوز اعتزل

قال ايه بيقول : عاوز اعتزل , كفاية كده !
طب مش لما تلعب الاول , انت طول عمرك احتياطى