الكورونا (1)

 بمزاجى و غصب عنك:

البعض سألنى عن رأيى فى ما يثار حاليا عن موضوع التناول فى الكنيسة القبطية , و رأيى الخاص احتفظ به لنفسى و لكن ساحاول ان اشارككم رؤيتى للموضوع

و لكن الكنيسة ممثلة فى قداسة البابا تاوضروس و المجمع المقدس هم اصحاب القرار فى ذلك الامر نتفق او نختلف معه و لكن نطيعه لاجل سلام الكنيسة

عندما صدرت القرارت باغلاق كل اماكن التجمعات فى البلاد التى ظهربها المرض , كانت دور العبادة مسيحية كانت او اسلامية او يهودية او بوذية و غيرها من ضمن الاماكن التى اغلقت بناء على توصيات منظمة الصحة العالمية دونما تفريق بينهم رغم اختلاف اسلوب العبادة بشكل كبير بينهم , فمثلا البروتستانت اجتماعاتهم حماسية اكثر ترنيم و صلوات وبصوت عالى و تعتمد على الحشد الجماهيرى فاحتمال انتشار المرض كبير و لكن لا تصدر القرارات بصورة انتقائية

و لكن يهمنا فى الامر اماكن العبادة المسيحية و بالاخص القبطية

كما ذكرت اسلوب العبادة يختلف بين الارثوذكس و الكاثوليك من جهة و البروتستانت من جهة اخرى , فيمكن تقسيم الاجتماعات الى نوعين :

اجتماعات طقسية و هى موجودة عند الارثوذكس و الكاثوليك , و اجتماعات عامة و هى مشتركة بين الثلاثة

الاجتماعات العامة و تشمل وعظ و ترنيم فقط و هى اساس العبادة عند البروتستانت و لايعرفون غيرها و لكن عند الارثوذكس و الكاثوليك فهى امر ثانوى يمكن الاستغناء عنه لفترة , و تلك النوعية من الاجتماعات اكثر عرضة لانتشار المرض بالاخص فى الترنيم الجماعى

و لكن الاجتماعات الطقسية و هى اساس العبادة فى كنيستنا و هى طقوس لا يمكن التخلى عنه او تأجيلها لفترات طويلة و هى اقل عرضة لانتشار المرض مع اخذ الاحتياطات اللازمة و الوعى السليم و نسبة الاصابة بالمرض بها اقل من ركوب المواصلات العامة او التعامل مع المؤسسات الحكومية او العمل الخاص

فمثلا سرى المعمودية و الميرون لايمكن تاجيلهم لفترات طويلة و فى حالة مرض الطفل بأى مرض لابد من الاسراع به و هو يتم بعدد قليل و يمكن اتقاء المرض بسهولة

سر الزيجة و يمكن تأجيله و لكن لمراعاة احتياجات المجتمع القبطى و لارضاء كل الاطراف يتم ايضا بسهولة و يمكن زيادة العدد بسهولة بس تمنع الزغاريد لانها وسيلة لانتشار المرض!!!!

سر الكهنوت و يمكن تأجيله لفترة مفيش مشكلة فكيف يقبل الكاهن نفخة الروح القدس !!!!!

سر مسحة المرضى و يمكن ايضا تأجيله مادام يرى البعض انه سيكون سببا للاصابة بالمرض بدلا من الشفاء!!!!

سر التوبة و الاعتراف و يمكن ممارسته بسهولة مع اتخاذ الاحتياطات اللازمة و الاحتفاظ بالمسافة الامنة و تطهير المكان جيدا

يتبقى سر الافخارستيا و هو اساس المشكلة

سنوات مع اسئلة الناس

سنوات مع اسئلة الناس؟

هذه السلسة من الكتب هى اساس المشاكل الحالية فى الكنيسة , فعلى ما يبدو هناك من يبحث داخلها و كل فترة يخرج لنا براى يخالف رأى البابا شنودة , من خلقة ادم!!!! التناول و نقل المرض!!!! تناول المراة الطامت!!!! و غيرها من الامور

أعتقد بقليل من الذكاء يمكن استنتاج المشكلة القادمة من خلال تلك الكتب !!!!!!!!

اكمل الاجازة بقى

لفت نظرى بعض الاصدقاء ان بعض ما اكتبه غير مفهوم احيانا كثيرة , اعترف بكده , احيانا ما اكتبه بيكون موجه لفكر معين , و احيانا بتكون مجرد خواطر سريعة
بس الاكيد اننى مش بعرف اكتب كويس , و اللى بكتبه بكتبه لنفسى لاتعلم اكثر , حقيقى لا اعرف اذا كان هناك من يقرأ ما اكتبه او يهتم به, فالفيس مليان كلمات احسن و اجمل و بتعجب القلب و العقل معا و اكاديمية اكثر و انا مش بعرف اكتب الكلمات اللى بتحرك المشاعر دية , كلامنا دبش ربنا يسامحنا
هاحاول اوضح ما يمكن توضيحه بس لما ارجع اكتب تانى , الكلمتين اللى كانوا محشورين كتبت اغلبهم , اللى فاضل حاجات بسيطة اكمل الاجازة بقى

أقباط مش أعباط

أقباط مش أعباط:
قرأت بوست لاحد الاشخاص قام بتشييره احد الاصدقاء يتهم فيه كل الاقباط انهم حافظين مش فاهمين و هو و من ينتمى اليهم بس اللى فاهمين , هم الذين لم يسجدوا للبعل و هم البقية التى ابقاها اللـه فى الكنيسة و الا شابهنا سدوم و عمورة و للاسف دائما يقعون فى نفس الخطأ كلمة "كل" بيحبوا دايما يستخدموها , كل الاقباط , كل الاباء .......
و احيانا يسقطون فى فخ العنصرية بدون ان يدروا , فيمدحون من درسوا العلوم بالذات الصيدلة و يحقرون ممن درسوا الادبى بالذات الاداب و كمان اللى بيعتبروهم مش اكاديميين و لو كان معاهم توجيهية (ثانوية) دول بقى حاجة تانية خالص و و بالذات لما يكتب ده دكتور او يشيره دكتور , من غير وعى بيوقعوا الكنيسة فى مشكلة و بيدوا احساس خاطىء لبعض الخدام !!!!
اسلوب اعتبار دائما الاخر اقل منى فى المعرفة, و ده نفس الاسلوب اللى بيستخدموه البرتستانت هو اتهام الاقباط دائما بالجهل و عدم المعرفة و انهم اصحاب المعرفة الحقيقية
و ده اسلوب المراهقين , تلاحظ دائما فى خدمتهم انهم يعتبرون الاكبر سنا مش فاهين افكارهم مشاعرهم و ان الاكبر سنا متخلفين عن العصر الحديث كأن الاكبر سنا لم يكونوا مراهقين يوما او غير كتابعين لما يحدث كأنهم يعيشون فى عالم اخر و العكس هو الصحيح فالمراهق يعيش داخل قةقعته المغلق
وعلى ما يبدو فان مشاعر المراهقة تلك استمرت مع بعض المستنيرين و عند اخوتنا البروتستانت محتاجين يكبروا شوية
و كل ما افتكر اساتذتى و زملائى الذين اقتنوا المعرفة بجهد من مصادرها و تواضعوا امام الكتاب المقدس ليتعلموا و اتذكر كم كان عددهم فى كنيسة الانبا انطونيوس و ارى اخرين فى كل الكنائس القبطية من شمالها لجنوبها اكتشف ان هولاء يعيشون فى غيبوبة , ربما بعض الاقباط لديهم بساطة فى المعرفة لكن اقوياء فى الايمان ياريتنا نتعلم منهم جزء صغير
مش عارف ليه دايما البعض بيحب يقلل من قيمة اللى حواليه علشان هو يظهر بس واضح ان ده بقى شى عادى اليومين دول
نشكر ربنا رغم معرفتى البسيطة لكنى قبطى مش عبيط

الممنوع مرغوب

مش بحب اسلوب المنع لان الممنوع مرغوب, و بيدى مفاهيم خاطئة لاولادنا و للاخرين , التعليم اهم شىء بس المشكلة ان محدش عاوز يعرف
متقدرش تقول لاخواتنا المسلمين متفسروش مثلا سورة البقرة و ال عمران بطريقة تخالف ايمانهم, و لا تجبرهم ان يقبلوا الكتاب المقدس بتاعنا
و كمان الاخوة البروتستانت متقدرش تقولهم بلاش كلام مارتن و كلفن و زونجلى ده تقليدهم و اساس ايمانهم
و متقدرش كمان تمنع المستنيرين الجدد من نشر افكارهم الغربية و العالم الجديد دى لقمة عيشهم
زمان قال الانبا موسى كلمة لا انساها : خلاص انتهى زمن ان تكون الكنيسة ملفوفة فى ورق سوليفان محدش يقرب منها , لازم نكون مستعدين لكل من يسألنا عن سبب الرجاء الذى فينا
من له اذنان للسمع فليسمع

كلنا واحد!!

مكنتش عارف ان طريق المسيح سهل كده 

و احنا اللى معقدينه. 

قول بس الشهادة تبقى تمام!!

كلنا واحد!! 

محتاج اتعلم من اول وجديد الايمان

كلمة تفتكرونى بيها

كلمة تفتكرونى بيها :
دى شوية كلمات ممكن البعض يعتبرها صعبة و ممكن تجرح احاسيسه المرهفة ولكن هذا هو اعتقادى الذى نختم به تلك السنوات فى التربية الكنسية
1- دى مش ماتش كورة :
واحد جى يقولى بلاش تعصب فاكر انها كورة قدم نشجع اللعبة الحلوة و فيها تنوع جميل برازيلى على المانى , لا يا حبيبى احنا بنتكلم على ايمان الكنيسة
الايمان مافيهوش تنوع و كله حلو, السيد المسيح نفسه ترك الذين لم يقبلوا سر الافخارستيا يرحلون , باب المسيح مفتوح من الناحتين خروج و دخول و كمان باب الكنيسة
انا افتخر اننى مسيحى ارثوذكسى قبطى , انتمى لكنيسة عريقة و بلد عريق و الاهم ايمان بالرب يسوع اقبله و احيا به
لا اخجل ان يقال عنى اننى متعصب لعقيدتى فالانتماء المبنى على دراسة لايفهمه الكثيرون
و ايضا اتفهم موقف الاخر فمن ولد فى اليابان سيفتخر بانه يابانى بوذى , فهذا لا يعيب احدا
مش عارف ليه بنخجل اننا اقباط ارثوذكس ( ربنا يسامح اللى كان السبب و لكن ويل لمن تأتى منه العثرات )
كنيسة قبطية عريقة تراثها المكتوب بالعربى ( الى يطلقون عليه عصر جهل) يمتد لسنوات اكثر من عمر البروتستانت جميعا
من الطبيعى لكنيسة عريقة تاريخا ممتد لـ 2000 سنة ان يشوبها بعض الشوائب و لكن تلك امور يمكن معالجتها ببساطة لكن ايمانها سليم
ايمان الاخرين ميهمنيش كل واحد حر فى اعتقاده و انا حر فى قبوله او رفضه
اذا كان بيضايقك اننا اقول انا مسيحى ارثوذكسى قبطى خلاص نخليها انا انتمى لكنيسة اللـه الواحدة المقدسة الجامعة الرسولية الارثوذكسية , و اسالك تحب نبتدى منين من عصر السيد المسيح و لا عصر الرسل و لا عصر الاباء قبل خلقيدونية و لا بعد كده , اختار اى عصر و نشوف ايمان كنيستنا فين
للاسف الانتماء لا يدرس او يعلم فى مدارس
نعيب ايماننا و العيب فينا و ليس فى ايماننا عيب سوانا