المشكلة

المشكلة 

غياب الحوار بين الطرفين , و لكن المشكلة حصلت خلاص و لابد من الحوار لحل المشكلة و علشان نبتدى حوار لازم الاعتراف بالاخطاء من الطرفين و تكون لغة الحوار تليق بعائلة واحدة مش لغة اولاد العالم وفى مشكلة لازم الاولاد يعترفوا بيها رغم نظرتهم للعائلة صح ام خطأ لكن فى اسس للتعامل فى اى مكان فى العالم لازم تحترم و المشكلة الاخطر احساس الاولاد ان ابوهم مش عاوزهم رافضهم وده شعور خطر جدا دمر شباب كتير لازم نشيل اسباب حدوثه و ده مش هيجى الا بالحوار برده

 من اهم مبادىء الحوار اننا نتفق على المفاهيم الاساسية و هى دى المشكلة يعنى ايه كنيسة يعنى ايه احترام يعنى ايه نظام عمل جرب كده فى شغلك ان كل واحد يشتغل بدماغه هو او مفاهيمه هو الدنيا هتخرب

الشعور بالرفض داخل الكنيسة احيانا كثيرة بتكون حرب شيطانية زى الابن الضال ربما كان لديه هذا الشعور فقرر ترك ابيه فصار فريسة سهلة للشيطان ان يقوم باذلاله بعيدا عن بيت ابوه و لكن الحقيقة بالتاكيد مختلفة

زغرتى يا اللى سمعانا

زغرتى يا اللى سمعانا 

كان الاب و الام فرحانين بنجاح اولادهم و قرروا يعملوا حفلة يعزموا فيها العائلة و الاصدقاء المقربين علشان يفرحوا معاهم و دعوا الناس و عملوا واجب الضيافة و لكن فوجئت الام قبل الحفلة بوقت قليل ان اولادها عزموا كل اصحابهم اللى على الفيس, فراحت تعاتب اولادها المكان ضيق و الاكل مش هيكفى, فرد الاولاد هو حد هيجى من العيلة انت و بابا مزعلينهم كلهم و المهم ترحبوا بضيوفنا و تكرموهم متصغروناش فى عيونهم و خلصت الحفلة على قد المستطاع و فوجئ الوالدان بثورة عارمة من اولادهم ازاى ضيوفنا يتعاملوا وحش و ده اكل تقدموه و ليه مخدوش من الحاجات اللى جايبينها كلها, و انت مش بتعرفى تطبخى مجيب اكل من بره مش شايفة الامهات التانية بتعمل ايه وتحاول الام ان تفسر سبب ما حدث و لكن دون جدوى و جلست الام تحكى مع اختها التى حضرت الحفلة و فوجئت بالابنة الصغيرة تعترض عليها ازاى تحكى على اخواتى كده و هم مش موجودين ده مش صح لازم تتكلمى قدامهم علشان تديهم فرصة يبرروا ما فعلوه انت غلطانة يا ماما و تلاقى الام واحد من الولاد بيكتب على عيلته فى الفيس ان باباه كذاب و اللى بيعمله ده شغل...... و كلام كتير صعب فتسال بنتها ايه رايك فى اللى عمله اخوك و الغلط اللى عمله فترد عليها اخويا مش غلطان ده رد فعل مش فعل شوفى بابا عمل ايه و بعدين اتكلمى , و طب انت يا حبيبى ينفع تكتب كده على ابوك و امك و يرد الولد انتم كدابين ولا لا.؟ مش كدبتوا فى الموضوع الفلانى مش انتم مزعلين فلان و علان من العيلة صلحوا غلطكم الاول و بعدين اتكلموا انا هافضحكم قدام الدنيا كلها و يجى واحد يهمس فو ودن الام انت عارفة ان فى ناس من العيلة هى اللى بتسخن العيال و بتقولهم اسراركم ؟ لا مش ممكن اصدق الكلام ده 

و تقف الام و تقول زغرتى يا اللى سمعانى انا عرفت اربى ولادى صح قصة خيالية لا تمت للواقع

المصلحون

المصلحون 

كتب قداسة البابا فى مجلة الكرازة فى فترة السبيعنات عن المصلحون ولماذا يفشلون

الاصلاح ليس بالشتائم و الاهانات و ليس بتدبير المؤمرات و ليس بهدم الثوابت ربما فى السبعينات كان لهم عذر فهذا اسلوب من يسيرون وراءه, 

و لكن على ما يبدو ان هذا الاسلوب مازال حيا و بالذات بعد 2011

الاصلاح يحتاج رجالا يعرفون معنى و قيمة الاخر و كيفية احترامه و قبول الاخر دون التخلى عن مبادئك و عن اثبات الحق مهما كانت الضغوط 

و كان قداسة البابا شنودة له اسلوبه فى الاصلاح

13 مايو 2022

غريب عشت فى الدنيا

غريب عشت فى الدنيا 

منذ فترة طويلة كنت قد قررت ان اكون ضيفا فى كل الامور التى تخص الكنيسة او الامور السياسية فاكتفى بالمتابعة دون التعليق او اتخاذ فعل معين الا فى حالات قليلة عندما لم استطع ان امسك يدى

و لكن الان اصبح الامر غريبا عن كل ما تعلمته فى حياتى من مبادىء و اخلاقيات الحوار او مبادىء الاحترام و المحبة 

و اصبحت اشعر باننى صرت غريبا فى افكارى و فى رؤيتى للامور و ايضا انه من الضرورى ان اتخذ مواقف اكثر فاعلية لمواجهة تلك الامور 

فكان امامى امران اما مواجهة تلك السلبيات بما تعلمته و تسلمته من ابائى او الانسحاب النهائى من تلك الامور 

و كان القرار النهائى هو الانسحاب و ترك الساحة لمن هم اكثر قدرة على تحمل تلك الامور و هم كثيرون 

شكرا و الى اللقاء

12 مايو 2022

المسيح قام بالحقيقة قام

المسيح قام بالحقيقة قام 

من الحاجات الحلوة اللى ضحكتنى فى عيد القيامة تقرير اخبارى لقناة اوربية عن عيد القيامة بيقولك فيه ان الكنيسة الاثيوبية هى اللى كان النور بيخرج على يديها قديما قبل ان يسرق منها هذا الحق الكنائس الاخرى, 

معلومة جديدة جدا اول مرة اسمعها وواحد بيعلق و يقول علشان تعرفوا سبب انحياز اسرائيل ليها, كنيسة عريقة سرق منها اهم حق كنسى فى كنيسة القيامة

24 ابريل 2022

اسرار جديدة

فى كل عام يكشف القمص رافائيل افامينا اسرار جديدة من حياة القديس البابا كيرلس السادس 

هذا العام تكلم عن المتاعب فى حياة البابا كيرلس من أعضاء فى المجمع المقدس و من صحفيين و أشخاص باسماء مستعارة!!! 

لدى إحساس ان دراسة تلك الاحداث بصورة تفصيلية ممكن توضح امور كثيرة مما حدث بعد ذلك و تدخلنا فى عش الدبابير. 

ممكن جدا ربنا يدينا العمر و الصحة و الفهم الحسن لنفهم تلك الامور

9 مارس 2022

الانجاب و الاعمال السفلية

الانجاب و الاعمال السفلية: 

هذا البوست ليس للجدال او الادانة بل لتبادل الاراء فقط , و قد حاولت ان احافظ على كلماتى محترمة باقصى درجة علشان صحتى 

بالصدفة سمعت احد الاباء الموقرين بيقول ردا على مشكلة زوجين بانهما لم ينجبا حتى الان (مدة طويلة) رغم عدم وجود مانع طبى يمنع الانجاب فيقول الاب الكاهن بان سبب ذلك هو ان شخصا ما عمل لهما عملا سحريا يمنع الانجاب !!! 

طب و الحل؟ 

يجيب الاب الكاهن حاجتين 1- الصلاة ان ربنا يفك السحر 2- المية اللى بيصلى عليها ابونا نفسه فى الاجتماع يستخدموها لفك العمل (قبل كده سمعت له سؤال عن الفرق بين المية بتاعته و المية بتاعة اللقان) 

و لكن اهم حاجة الايمان القوى من غيره الصلاة و المية ليس لهما فاعلية 

بدون تعليق فرأيى لن يعجب محبى الاب الكاهن

14 فبراير 2022