توضيح

توضيح:
انا من الشخصيات الغير اجتماعية بالاخص فى اللقاءات الى تتم اونلاين, نادرا ما اشوف فيديو اونلاين او اتكلم مع حد اونلاين محدش يزعل منى
انا بستعمل موبايل عادى مش سمارت , كل علاقتى بتلك الامور شوية وقت اقضيه على الكومبيوتر فقط و بعد ما اقفله الموضوع بينتهى
انا موجود بنسبة كبيرة بسبب الخدمة و الشباب فقط , ان هم ذهبوا ذهبت معهم
يعنى احضر اجتماع شباب اونلاين لكن اجتماع خدام لا
اروح رحلة (ايام زمان) مع الشباب لازم , مع الخدام ممكن

التفاؤل فى زمن الكورونا

ده ملخص اجتماع مع الشباب اونلاين عن "التفاؤل فى زمن الكورونا" و كان اجتماع حلو جدا
" كما كان هكذا يكون من جيل الى جيل و الى دهر الدهور امين"
من اجمل الحان الكنيسة نغمة و كلمات يقال بعد المجمع و الترحيم
فالحياة تستمر, حياة و موت, شفاء و مرض, فرح و حزن , هذه هى الحياة من زمان و الى نهاية الازمان
المهم كيف نتعامل مع هذه الحياة و نواجه تلك الظروف!!
مشكلة الكثيرون وبالاخص الشباب ليس لهم خبرات فى الحياة فى مواجهة تلك الظروف , و ربما تكون اول مرة يواجهون تلك الامور , وسط المشكلة لايرون سوى الخوف و القلق, و تحطم الاحلام, و الاحساس بالعجز فى مواجهة تلك الامور
ممكن نعمل ايه ؟
1- حاول ماتنساش وجود ربنا فى حياتك مهما حدث
2- حاول تشوف ايد ربنا فى حياتك اعمل لنفسك خبرات لمستقبلك
3- حاول تشوف الصورة كاملة مش الجزء المظلم فقط , الشمس بتشرق كل يوم
4- حاول تركز فى اللى بتعمله و اعمله بامانة و تبصش لبكرة
5- ماتقلقش من بكرة و متخفش منه علشان ربنا موجود
6- حاول متديش ودنك لاى حد , متخليش حد يسرق امانك منك
7- متسمعش لكل الناس فى كل وقت و فى كل حاجة
8- حاول تكون انت سبب فرح و امان للاخرين بلاش تكون سبب حزن
9- السعادة معدية و النكد معدى اكتر
10- راجع حياتك كل يوم و ابعد عن سبب الحزن و امسك فى سبب الفرح
اوعى تنسى " يسوع فى السفينة مش ممكن تغرق "

تحت نير الخدمة

ايه رأيكم؟
من فترة قررت التوقف عن الكتابة عن الفيس تدريجيا, و عدم الكتابة عن اى امور تدور فى الكنيسة او فى مصر لاسباب كثيرة منها اسباب شخصية واسباب اخرى مش وقتها دلوقتى
و كذلك التوقف عن التعليم تدريجيا برده لنفس الاسباب ايضا
و لكن عندى مشكلة فى كلمتين محشورتين فى عقلى من فترة و منعتهم من الخروج حتى الان و لكن كل يوم بشوف بوستات للاسف ممكن وصف بعضها بالحقيرة (اسف فى التعبير), و اجد نفسى عاوز اكتب الكلمتين دول
ممكن كتير من اصدقائى يزعلوا منهم , بحاول على قدر الامكان تخفيف حدته و بالطبع من غير اسماء و بطريقتى المعتادة محدش هيفهموا غير اللى اييدهم فى الموضوع لكن برده هيزعل اصدقاء اعرفهم من زمن منهم من هم فى مقام اساتذتى و بعضهم كنا شركاء فى الخدمة سويا و اخرين شاركت فى تعليمهم يوما ما
و اعتذر لمن سيتكلمون عن امور ليس هذا مكانها , فطالما نحن تحت نير الخدمة علينا التزام منقدرش نهرب منه , و لكن عندما يسمح الرب و نخلع هذا النير سيكون لكل مقام مقال عندئذ
محتار فعلا
(ممكن البوست ده يكون محاولة منى للهرب من كتابة الكلمتين دول ربما)

الام تبكى

التمثال ده من اجمل التماثيل اللى شفتها , وده عن الاجهاض , الام تبكى امام الجنين الذى لم يرى الحياة

يوم مميز

يوم 5/5 يوم مميز عندى له ذكرى مهمة عندى,
فى اليوم ده من 15 سنة حصل لى حادثة صغيرة خلتنى اتخذ قرار مهم جدا كان هو السبب فى تغيير حياتى حتى الان,
ومش ندمان على القرار لكن نتائجه كانت مش متوقعة انها تكون وحشة للدرجة دى
اشكر من شجعنى على اتخاذ القرار و اعتذر عن سوء النتائج
و اعتقد انها مناسبة مهمة بعد 15 سنة لاكتشاف الحقيقة و تفعيل قرار مهم تانى فى حياتى
شكرا و اعتذر عما حدث و سيحدث مستقبلا
5/5/2020

امر واجب التنفيذ

الواحد تركيزه راح خلاص, 

قرار الاعتزال اصبح امر واجب التنفيذ,

 لحين صدور الامر,

 ربنا لسه مقلش كلمته

1/5/2020

هل تعرف أين تقف:

"أحيانا, من الجيد أن تعرف أين تقف"
جملة رائعة قرأتها كعنوان لمجموعة من الصور تجمع بين الماضى و الحاضر, تخبرك ان المكان الذى انت واقف عليه يحمل وراءه حياة أخرى او لنقل عالم أخر ربما لا تعرف عنه شىء
فهذه الصورة مثلا من شواطىء نورماندى فى فرنسا  حيث تلهو اسرة على الشاطىء و تتمتع بالجو الساحر و لكن ربما ليس فى ذاكرتها ماحدث من سنوات عديدة من إنزال الحلفاء لقواتهم على الشاطىء و كم من أمور حدثت فى ذلك اليوم ربما لا يتذكرها أحد 

تذكرت عندما رأيت تلك الصور عندما كنت فى زيارة لقلعة قايتباى و من فوق الاسوار و البحر ممتد أمامك و نظرت للبحر و كنت أرى سفن الحملة الفرنسية و هى تستعد للنزول للاسكندرية, كنت أحاول أن أتخيل بعض أحداث الماضى

كان هذا الأمر يشعرنى بالسعادة بالتأكيد و لكن .....
كان بعض ممن معى لايرون أى أهمية لتلك الزيارة , بالنسبة لهم هى زيارة أحجار ليس لها قيمة و ربما هى فرصة للتمتع برؤية البحر فقط و عبثا حاولت أن أشرح لهم "حلاوة التاريخ" و كيفية الاستمتاع بالماضى 
و لكن تلك الامور لا تعلم بالكلام !!!!

للحديث بقية ............