ضاعت الفرصة

ضاعت الفرصة 

ان الواحد يعمل فرحه 

من غير معازيم 

و لا حفلة و لا اكل و شرب 

ولا كوافيرو لا حلاق

و مفيش سفر "عسل مفيش" 

من الكنيسة للبيت

April 3,2020

ما أحلى الرحيل فى زمن الكورونا

ما أحلى الرحيل فى زمن الكورونا

 April 1,2020

واخد بالك

ربنا يكمل لينا الايام بخير 

و نعيد معاه و نفرح بقيامته 

بعدين نشوف العك 

اللى اتكتب على الفيس اليومين دول.

واخد بالك

 March 26,2020

معلش استحملونا شوية

من حوالى ثلاثين سنة (فترة صغيرة بالمقارنة باستاذتى اللى علمونا) اخترتنا الكنيسة لنكون خدام فى التربية الكنسية, طوال تلك السنين اتعلمنا الكثير و اثر ده على شخصيتنا و طباعنا, ربما البعض لا يفهم ما نفعله او ما نكتبه على الفيس, معلش سامحونا بس ده اللى اتعودنا عليه و صار جزء من حياتنا, الكنيسة و التعليم الكنسى اصبحا هما محور حياتنا , احيانا الواحد بيسال نفسه هل الامر يستحق؟, مرة صديق سألنى انت بتحب تتكلم و تكتب فى ايه ؟ كنت مش عارف اقوله احيانا كتير لازم ننسى اللى بنحبه و نهتم بالحاجات اللى بتهم الخدمة, يفضل اننا نعرف فى اللاهوت و الطقوس و التاريخ و الامور الشبابية, زى ما بيقولوا نعرف شىء عن كل شىء و كل شىء عن شىء, ممكن اكون عاوز اعمل موضوع فى التاريخ الاسبوع ده و مقدرش علشان مطلوب موضوع تانى للخدمة, احيانا الواحد بيفكر ازاى افصل حياتى الخاصة عن الخدمة لانى مش عارف دايما الاتنين بياثروا فى بعض و الخدمة دايما بتتظلم معانا, معلش استحملونا شوية 

March 26,2020

معملتش حاجة

لاتؤجل عمل اليوم للغد ,

لاتؤجل عملا فى انتظار عمل اخر,

اعمل كل شىء فى وقته ,

نصائح فشلت فى تنفيذها الفترة اللى فاتت 

و معملتش حاجة

 March 26,2020

ربنا امر بالستر

رغم اتخاذى قرار بتقليل وجودى على الفيس بووك بالتدريج و عدم تعليقى على مايحدث حاليا او مستقبلا لكن وصلنى تساؤل من احد الخدام حبيت اشارككم بيه علشان نشوف له اجابة بيقول : نفس الخدام اللى بتقول ان التناول لا يشفى هما نفس الخدام اللى كانت بتدافع عن تناول المراة فى ايامها الخاصة و بتستشهد بقصة نازفة الدم و ان التناول بيشفى الاوجاع الجسدية و النفسية او بيساعد فى شفائها فهل يوجد فى الكنيسة ازدواجية فى التعليم ؟؟؟؟؟ معلش السؤال مش عن فاعلية التناول لان ده موضوع محتاجين نراجع حياتنا كلها علشانه لكن السؤال عن اسلوب التعليم بالاخص دلوقتى على الفيس كل حاجة بتتسجل . حقيقى مش عارف اجاوبه لان فى امثلة كتير زى كده موجودة و حصلت بس ربنا امر بالستر

 March 22,2020

فى طريق الوحدة

فى طريق الوحدة :
سمعت برنامج حوارى يتعلق باجتماع بين 6 كنائس من كنائس الروم الارثوذكس (15كنيسة) لمناقشة الوحدة الكنسية بين كنائس الروم الارثوذكس لوجود عدة مشاكل بين الكنائس اهمها موضوعان لفتوا انتباهى
الاول : رئاسة كرسة القسطنطينية او اولويته على كنائس الروم الارثوذكس و اعطاء بطريرك القسطنطينية لكنيسة اوكرانيا الاستقلال عن كرسى موسكو رغم اعتراض بطريرك روسيا و كانت الملاحظة الغريبة بالنسبة لى التحدث عن الدور الامريكى فى ذلك الامر و اتهام امريكا بالتدخل فى شئون الكنيسة باعطاء الرئاسة للقسطنطينية لهدف سياسى و لاضعاف كنيسة روسيا من ناحية اخرى
الثانى : عدم حضور كرسى انطاكيا لخلافه مع كرسى اورشليم على ايبارشية قطر تتبع من ؟ الامر الذى ادى لقطع الشركة بين الاثنين !! فكيف يجتمعا سويا فى صلاة واحدة و الشركة بينهم مقطوعة!!!! كيف يحضرون قداسا واحدا و يتناولون جسدا واحدا و الشركة بينهم مقطوعة !!!!
و عدم حضور كرسة الاسكندرية و قيل السبب خلاف اثنى !!! و هو الخلاف حول هوية الكنيسة اليونانية ؟ و لم يوضخوا تفاصيل ذلك الخلاف بين كنيسة الاسكندرية و كنيسة روسيا و وباقى الكنائس السلافية
فرصة لنتعرف على تفاصيل الوحدة

 February 29,2020