كلمتين و بس

كلمتين و بس: (1)
سمعت ان فى امريكا كل مدينة او ولاية ليها اجازات مختلفة للمدارس علشان كل عرقية كبيرة العدد فى تلك المدن ممكن تطلب ان اعيادها الخاصة تبقى اجازة عامة لكل المدينة , زى الايطاليين و الصينيون و بالتاكيد اليهود
لكن للاسف الارثوذكس مش فاضيين للكلام ده الاسهل عندهم نغير
على الرغم ان ده اسهل طريق للوحدة بدل الصراعات

سؤال

سؤال:
نحن نحتفل بعيد الميلاد 29 كيهك الموافق 7 يناير و يطالب البعض بتغييره ليتوافق مع الكاثوليك 25 ديسمبر !
و لكن السؤال : لماذا يحتفل الروم الارثوذكس بعيد الميلاد 7 يناير ؟ و لماذا كانت كل الكنائس الارثوذكسية تحتفل بوم 7 ينابر قبل ان تغير بعضها الاحتفال ليوم 25 ديسمبر لاهداف سياسية و اجتماعية ؟ هل كانوا يحتفلون بعيد الميلاد حسب التقويم القبطى!!! لا اعتقد بل حسب تقويمهم !!!
ما هو ميعاد عيد الميلاد ؟
لماذا دائما ننظر للكنيسة الكاثوليكية فى الامور المراد تغييرها دون النظر للكنائس الارثوذكسية !!!!!!!!!!!!!!!!!

مش عارف

" مش عارف اتعامل مع الامين فلان و لا الخادم العلانى , لازم واحد يسيب المكان "
جملة بنسمعها اليومين دول كتير !!!!
طب اعتبره مخدوم عندك و اتعامل معاه باحتمال , اعتبرها فرصة تتعامل مع نوعيات مختلفة من البشر و تتعلم منهم
مين قال ان الخدمة سهلة و كل الخدام ملايكة , لو حد قال كده ليك لما ابتديت الخدمة يبقى ضحك عليك
الخدمة فرصة نتعلم ونتتطور للاحسن وده مش هيتم من غير صعوبات من كل نوع
و الاهم ان الخدمة دى بتاعت رب المجد مش بتاعتك علشان تختار مين يخدم و مين ما يخدمش
الاكيد اننا نسينا ان احنا خدامين و بقينا موظفين
الموضوع ده صعب ومحتاج قوة من ربنا علشان نقدر نتحمله , الحرب صعبة والموضوع ده اسقط قامات كبيرة و خلاها تسيب الخدمة
الخدام يفعل ما يامره سيده به مش اللى على مزاجه

الاجيال الجديدة

حقيقى بحسد الاجيال الجديدة 

على كم المعرفة المتاحة امامهم 

مطبوعة او ديجيتال 

ياليت الشباب و الصحة تعود

سؤال محتاج اجابة

سؤال محتاج اجابة :
سألنى صديق ايه رايك فى التعليم المنسوب للبابا كيرلس عن نفخة الروح فى الانسان؟
علشان اجاوب لازم ادرس الموضوع كويس لانه لا يمكن قبول تعليم عقيدى او لاهوتى من قول واحد منسوب لاحد الاباء , ليس من اللائق ان احكم على فكره من كلمة واحدة لذلك محتاج ان اعرف ثلاث امور
1- هل ذكر هذا التعليم فى كتابات اخرى له ( له 10 مجلدات فى الباترولوجيا الابائية ) ام تلك المرة فقط , و كذلك هل ذكر له تعليم مخالف لهذا الراى او عن نفخة الروح فى تلك الكتابات ؟
2- تلك المجلدات هى تجميع لنصوص الاباء من مخطوطات يونانية , فأين تحقيق تلك المخطوطات مكان نساختها زمنها الاختلافات بينها ؟ و هل توجد مخطوطات اخرى لنفس النص بترجمات مختلفة كالقبطية و السريانية و الارمنية و الروسية مثلا ؟ ليس من الضرورى ان كل نص له اصل يونانى هو مقبول و بلا عيب
3- بعد دراسة تلك الامور و التاكد من وجود النص لابد من دراسة سياق الجملة فى النص و الهدف منها و معرفة مناسبة النص و الهدف منه و الظروف المحيطة به مثلا فى تلك الفترة كانت توجد اراء بان الروح الانسانية موجودة من قبل و تدخل فى الانسان بعد تكونه و كان القديس كيرلس يرفضها
بعد دراسة تلك الامور يمكن قبول هذا التعليم بصورة شبه يقينية لان لا احد يعلم ماذا سيظهر فى المستقبل من مخطوطات
هكذا تعلمنا ممن سبقونا و هكذا سنسلم لمن يأتى بعدنا
للحديث بقية ........

يحكى أن

يحكى أن :
تقدم شاب لوالد احدى الفتيات لخطبتها فقال له :
يسعدنى الانضمام لعائلتكم العريقة المتأصلة ذات التاريخ العريق و الميراث الحضارى الرائع انه شرف لى ان اصير عضوا فى تلك العائلة
و لكن ......
منظر بيتكم قديم محتاج تغيير , تغيير الدهانات , تغيير العفش و الستائر , تغيير الحمامات الافضل تهدوا البيت و تبنوه من جديد على التراث الحديث
و كمان اسلوب كلامكم مش على الموضة صعيدى قوى و طريقة لبسكم بلدى قوى و الاكل بتاعكم مش متطور لازم تبطلوا تعملوا الاكلات بتاعتكم دى موضة قديمة
لازم تتغيروا علشان تناسبوا عيلتنا المودرن
طب ايه اللى عجبك فى اسرتنا ؟
تاريخها و تقاليدها و اسلوب حياتها بس برده لازم تتغيروا مش فى البيت بس لكن فى اسلوب حياتكم و افكاركم
طب مع السلامة , يا بت هاتى القلل اللى عندكم كلها ....
للحديث بقية .......
من له أذنان للسمع فليسمع

على مدار التاريخ

على مدار التاريخ 

يوجد من عنده الاستعداد 

ان تحترق الكنيسة 

ولا يرجع عن رأيه!