خواطر اسبوع الخلاص 2019 : ( 1 )

خواطر اسبوع الخلاص 2019 : ( 1 )
شفت فيلم ( Risen ) هذا الاسبوع و احترت فى مشهد منه رائع
قائد المئة الذى اشرف على الصليب و شاهد الرب يسوع ميتا بالجسد ووضعه فى القبر و بعد القيامة كلفه بيلاطس بالبحث عن جسد يسوع الذى سرقه تلاميذه و القبض على التلاميذ
و عرف مكانه و دخل عليهم شاهرا سيفه ليقبض عليهم ليجد رب المجد وسطهم و يشاهد اثار المسامير و اثر طعنة الحربة فى جانبه
كان مشهد رائعا
دخل ليبحث عن من سرق الجسد الميت ليجد الجسد حيا امامه يكلمه و يلمسه و ياكل معه
دخل شاهرا سيفه ليتركه للابد و يسير يتبع ذلك القائم من بين الاموات

تخاريف

تخاريف : بيقولك الاقباط المنياوية طيبين قوى , الدولة و السلفيين بتديهم على قفاهم عادى جدا , و دلوقتى ..... عاوز يديهم هو كمان على قفاهم , بعد ما خلاص اتفق و رتب الدنيا رايح ياخد رايهم على اللى عمله خلاص , شعب المنيا طيبيين قوى و لا اقولك كل الاقباط طيبيين قوى

مفاهيم : كرامة الكهنوت ( 2 )

مفاهيم : كرامة الكهنوت ( 2 ) " يد ربنا هي اللي أختارت فلان للكنيسة و ربنا يعلم أنه هو الأصلح و إختيارات الله لا تخطئ أبداً "
دى رؤية كثير من الاقباط لرجال الكهنوت فى الكنيسة القبطية و هو امر جيد مستحسن لدى الغالبية فهو يحافظ على انتماء الاقباط لكنيستهم مهما حدث لهم من رجال الكهنوت فهم يقبلون الامر كأنه من اللـه
بالرغم من ذلك فالتاريخ الكنسى يشير الى ان اغلب الكوارث التى حدثت للكنيسة كانت بسبب بعض رجال الكهنوت من الشماس للبطريرك , فى الامور العقائدية و الرعوية و احيانا فى التعامل مع الدولة
و اخطاء رجال الكهنوت هى التى تظهر و تذكر فى التاريخ بصورة واضحة , و تشغل الحيز الاكبر من التاريخ على الرغم من ان خطايا الشعب القبطى عبر التاريخ كثيرة
الامر يحتاج ان نفهم هذه المعادلة ما بين احترام الكهنوت الواجب و مواجهة اخطاء بعض رجال الكهنوت
و ايضا ان رجال الكهنوت هم ايضا بشر و لهم ضعفاتهم و ميولهم الخاصة و يجاهدون مثلنا فى تلك الحياة و ان اخطاؤهم مهما كانت لا تمثل الكنيسة كلها
و كذلك ان نفهم ان ليس كل من يرتدى السواد هو لا يفهم و جاهل كما يدعى المستنيرون الآن للحديث بقية....
#كرامة_الكهنوت

مصر تعود

تمثيلية الاستفتاء , الاستدعاء لامريكا
 ما يحدث فى ليبيا و السودان
مصر تعود بقوة لما كانت عليه !!!!

الموضوع البسيط السهل

تقريبا من اول شهر مارس و انا بقلب فى بعض الكتابات على الانترنيت 
عجبتنى فكرة موضوع بسيط وسهل 
و فكرت انى اكتبه و يكون اول موضوع اخلصه بشكل ما
و قررت اتفرغ له و ركنت جانبا شوية بوستات كنت عاوز اكتبهم كافكار
و تفوت الايام و الموضوع البسيط السهل يطلع مش كده خالص 
و مرجع ورا مرجع يظهر 
و الاقى الموضوع البسيط الصغير مطلعش بسيط خالص بالنسبة لى 
لكن لسه صغير فى موضوعه و حجمه
يارب اقدر اخلصه بسرعة و لا اندم على هذا القرار

موافقون

اتحدد ميعاد الاستفتاء ! 

نزلت يفط التأييد !
و لسه التعديلات فى مجلس النواب !!!
مش ناقص غير تعلنوا النتيجة كمان دلوقتى !!!
موافقون

انتماء و تشجيع

ياريت نشوف انتماء و تشجيع
للكنيسة بتراثها و لغتها و تاريخها
زى ما بنشوفه للفرق الرياضية