مصر تعود

تمثيلية الاستفتاء , الاستدعاء لامريكا
 ما يحدث فى ليبيا و السودان
مصر تعود بقوة لما كانت عليه !!!!

الموضوع البسيط السهل

تقريبا من اول شهر مارس و انا بقلب فى بعض الكتابات على الانترنيت 
عجبتنى فكرة موضوع بسيط وسهل 
و فكرت انى اكتبه و يكون اول موضوع اخلصه بشكل ما
و قررت اتفرغ له و ركنت جانبا شوية بوستات كنت عاوز اكتبهم كافكار
و تفوت الايام و الموضوع البسيط السهل يطلع مش كده خالص 
و مرجع ورا مرجع يظهر 
و الاقى الموضوع البسيط الصغير مطلعش بسيط خالص بالنسبة لى 
لكن لسه صغير فى موضوعه و حجمه
يارب اقدر اخلصه بسرعة و لا اندم على هذا القرار

موافقون

اتحدد ميعاد الاستفتاء ! 

نزلت يفط التأييد !
و لسه التعديلات فى مجلس النواب !!!
مش ناقص غير تعلنوا النتيجة كمان دلوقتى !!!
موافقون

انتماء و تشجيع

ياريت نشوف انتماء و تشجيع
للكنيسة بتراثها و لغتها و تاريخها
زى ما بنشوفه للفرق الرياضية

خربانة خربانة

نفسى اقول الكلام ده لنفسى و لكل واحد حياته مش عجباه

فبدل ما يحاول يحل الامور او يخلى الحال كما هو عليه 

 يعمل العكس و يخرب حياته اكتر 

و يقول لك انا كده مبسوط مش فارقة معايا 

خربانة خربانة

نعمة الحياة , نعمة البنوة , نعمة الشركة

" نعمة ربنا يسوع المسيح، ومحبة الله، وشركة الروح القدس مع جميعكم. آمين " 2 كو 13 : 14
" محبة الله الآب ونعمة الابن الوحيد ربنا وإلهنا ومخلصنا يسوع المسيح وشركة وموهبة الروح القدس فلتكن مع جميعكم " القداس الالهى
نعمة الحياة , نعمة البنوة , نعمة الشركة
اعطاها اللـه الآب للمؤمنين فى ابنه يسوع المسيح بروحه الروح القدس
للحديث بقية ........

السيد المسيح هو باكورة حياتنا :

هي فين الثعابين؟طب هو فين الظابط؟ ( 1 )
السيد المسيح هو باكورة حياتنا :
ليه بنصوم تسع ساعات قبل التناول ؟ زمان مكنش فى صيام تسع ساعات قبل التناول ؟
فى القرون الاولى مكنش فى صيام تسع ساعات قبل التناول علشان مكنش فى قداسات بتنتهى الساعة الثانية عشر مساءا او فى مواعيد اخرى مختلفة
كانت القاعدة الاساسية ان الافخارستيا هى باكورة اليوم , اول شىء يدخل افواهنا
و كانت القداسات تقام يوم الاحد فقط حيث يجتمع الشعب من مساء السبت فى صلوات و تسابيح حتى صباح الاحد و ينتهى بالقداس
لكن يجب ملاحظة مايلى :
1- قديما كان الليل يبدأمن ظهور اول نجم و كانت الوجبة الرئيسية بعد غروب الشمس و كان يستمر حتى ظهور اول ضوء ثم بداية الشروق
فكان الامتناع عن الاكل يبدأ من بعد ظهور اول نجم حتى نهاية القداس مع شروق الشمس
2- كان المؤمنون يتوجهون للكنيسة قبل الظلام بعد الغروب حسب بعد المسافة و يظلون فى الكنيسة حتى بداية الشروق فيتوجهون لبيوتهم , لم يكن لدى الكثيرون امكانية الذهاب فى الظلام , حيث كان الامر يحتاج لاضاءة و ربما عبيد لحمايتهم من اللصوص او الحيوانات الضالة
بالتأكيد كان هذا الامر يختلف من مدينة لاخرى او من قرية لاخرى و ايضا من زمن لاخر , وحسب الظروف السياسية فى البلاد و مدى استتباب الامن بها
و فى الصوم كان يمتد الصيام للساعة الثانية عشر ظهرا او للغروب و ربما لظهور اول نجم ( لمن ياكلون مرة واحدة فى اليوم )
و حتى وقت قريب فى الصعيد كانت الوجبة الاساسية بعد الغروب , ومازالت بعض الكنائس يبتدى القداس بعد الفجر مباشرة و ينتهى مبكرا جدا يوم الاحد
( مازال اخوتنا المسلمون محافظين على هذه العادة بان تنتهى صلوات العيد فى الفجر )
و لكن الأن اختلفت الامور اصبح اليوم يبدأ من بعد الثانية عشر مساءا , اصبح من السهل الانتقال للكنيسة فى اى وقت و تغيرت عادات الاكل و النوم
فكان لابد من تنظيم تلك الامور
لا اعرف متى طبق موضوع التسع ساعات و لكنه ينطبق اساسا على قداسات الاعياد التى تنتهى مساءا و ربما القداسات التى تماثلها فى الوقت , و اعتقد ان التسع ساعات هى فارق الوقت بين ظهور اول نجم و ظهور اول ضوء و هى تقريبا من تسعة لعشرة ساعة
اما باقى القداسات فالسيد المسيح هو بكر حياتنا و ما نبدأ به اليوم