واحد زائد واحد يساوى ثلاثة :
واحد بيحكى و يقول : اتعلمنا من صغرنا ان
1+1= 2 ,
و لكن فى مرة جه واحد صاحبى و حبيبى و قال : 1+1=3 ,
قلت له : ما
ينفعش مش ده اللى اتعلمناه ,
رد علىّ و قال : هى كده انا صح و اللى
اتعلمناه غلط , اقبل النتيجة دى و لا مش هتكون صاحبى و لا حبيبى و بعدين
سابنى و مشى
بعد شوية جه تانى و قال : انت بتعلم الناس ان 1+1=2 ليه ؟
,
قلت : لان ده الصح ,
رد علىّ و قال بس كده انت بتقول للناس انى انا غلط و
ده معناه انك مش بتحبنى و عاوز تبوظ صورتى قدام الناس , لازم تعرف
ان التنوع حلو و لازم يكون فى حرية فى الاراء و الاختلاف لا يفسد فى الود
قضية , انت مش بتقول بتحبنى لازم تقبلنى زى ما انا و تقول للناس ان انا صح
برده
بعد فترة جه تانى و قال : انت مش بتقول انك بتحبنى و المحبة لا
تسقط ابدا , خلاص انا هضحى علشانك و هقول 1+1= 2.5 , ايه رايك ؟ ,
حل وسط
لازم كمان انت تضحى و تقول كده , لازم تثبت المحبة عملى مش بالكلام , انا
هضحى و انت كمان تسيب اللى اتعلمته زمان و نبتدى من اول و جديد
المحبة اقوى من الحقيقة صح ؟
