يوم مع الاباء : ( 3 )

يوم مع الاباء : ( 3 )
- لقاء مع الانبا ارسانيوس
- فى كل زيارة لوادى النطرون اسعى ان ارى عمود القديس الانبا ارسانيوس
- ترك كل المجد ليختفى وراء عمود
- و اتذكر كلماته " تكلمت كثيرا فندمت اما عن الصمت فلم اندم قط "
- كلمات , تجرح و تهين و تخطىء و للاسف لا يمكن ان ترجع مرة اخرى
- كل مرة اتمنى ان اتعلم منه , كيف اتكلم ؟
- كيف لا افتخر بمجد هذا العالم ؟
- كيف يكون الجلوس على الارض فى الكنيسة اغلى من قصور العالم ؟
اتمنى ان اتعلم تلك الامور قبل ان ازوره مرة اخرى

يوم مع الاباء : ( 2 )

يوم مع الاباء : ( 2 )
- لقاء مع الانبا موسى الاسود
- انت اسود الجسد حسب طبيعتك و نحن لوننا اسود من خطايانا
- كيف عرفت الرب يسوع ؟
- كيف صرت ابيض القلب و العقل ؟
- كيف عرفت طريق الحياة ؟
- كيف كنت تطيع اب اعترافك و مرشدك الروحى بهذه الجدية ؟
حياتك عجيبة كلها اسرار
نتمنى ان نعرف جزء صغير منها
نطلب منك ان تستلم هولاء الذين اسوددت حياتهم بفعل الخطية
و نطلب من الرب ان يعطينا قلب الانبا موسى الاسود و ان يدبر لنا مثل الانبا ايسيذورس فى حياتنا

يوم مع الاباء : ( 1 )

يوم مع الاباء : ( 1 )
- حقيقى كان يوم رائع مع الاباء الروحيين
- لقاء مع كهنة كنيستنا ابونا بيشوى و ابونا بولا , ربنا يعينه فى حياته الجديدة
- لقاء مع اباء تركوا هذا العالم و لكن تركوا لنا حياتهم تذكارا
- قبل هولاء لقاء مع الرب يسوع عند المذبح المقدس
- لقاء مع الانبا موسى و الانبا ايسيذورس و مكسيموس و دوماديوس ,لقاء مع الانبا ارسانيوس و يحنس كاما , لقاء مع الانبا بيشوى حبيب المسيح لقاء مع البابا شنودة الثالث
لقاء كان ممتع بالحقيقة

بنعاتب و بنلوم

بنعاتب ربنا و بنلومه كثير
على امور احنا اللى اخترناها و تمسكنا بيها
و طلبناها بكل قلوبنا
و لكن جرحتنا
و رغم كده بيقبل العتاب و بيسامح
و بيغير فى الوقت المناسب

اصعب احساس

اصعب احساس ممكن يقابلك فى حياتك
ان الطعنة اللى تيجى فى ضهرك
تكون من اقرب الناس الى قلبك
و الاصعب انك متقدرش تبعد ايديهم
لانهم قريبين من قلبك و عقلك

حلم صعيدى : ( 3 )

حلم صعيدى : ( 3 )
مش عارف ازاى فاتت الرحلة بسرعة كده حلم جميل
اليوم الثالث :
طبعا بعد ليلة من الف ليلة و ليلة , كان لازم يكون لليوم ده طعم خاص
اديرة اخميم , و احداث فى التاريخ القبطى لا تنسى
دير الملاك ميخائيل ., من الزحمة معرفناش ندخل علشان القداش كان لسه شغال , لكن فى ناس دخلت و حاولت تاخد بركة جسد الملاك
دير الشهداء , و الاجساد فى كل مكان , شهداء ليلة عيد الميلاد , كل واحد له حكاية بس مين يعرفها
دير العذراء , و عودة للحياة الرهبانية فى المنطقة بعد خراب سنين , مافيش مستحيل عند ربنا , و ايقونة العذراء الرائعة
دير الانبا توماس , و الفول و المش
دير الانبا بساده ,نفسى كنت ازوره من زمان , و مدخل الاجساد واحد يقف لواحد احتراما
دير مارجرجس الحديدى , ليه فيه ذكريات اول زيارة زمان , شيل الحديد يا مرجرجس و ممر القديسين .
حقيقى اول مرة ازور ستة اديرة فى اخميم كل مرة كان فى واحد بيفوت

حلم صعيدى : ( 2 )

حلم صعيدى : ( 2 )

مش عارف ازاى فاتت الرحلة بسرعة كده حلم جميل

اليوم الثانى :

دير درنكة , دير العذراء , من اجل الاماكن بالنسبة لينا الاسايطة يعنى , تقعد فى حضن الجبل و يا بخت اللى يقعد فى حضن الرب يسوع او يتأمل فى العذراء مريم و جمالها
و مغارة الاسيوطى , يوحنا الاسيوطى , الواحد بيستغرب ازاى كانوا بيطلعوا كل الارتفاع ده علشان يسمعوا كلمة من فمه الطاهر
و نزور حبيبنا الانبا ميخائيل و نقول له صلى علشانا كثير
دير الجنادلة , دير العذراء , كنيسة روعة , تفرح قلب اللى يصلى فيها , و رغم انها فى فترة كانت مسكن لصوص , لكن رجعت تنور تانى و تعطى رجاء
لانها مسكن القديسين , اللى مستحملش اللصوص يشوفوا عيونهم فمسحوها
و فى الدير للجنادلة , نشوف كنيسة الامير تادرس فوق الجبل , دير ريفا , و نسلم على ابوقلتة فى ريفا و ماربقطر فى موشا و الامير تادرس فى شطب و البابا اثناسيوس فى دير الزاوية , مار يوحنا فى دوينة , الانبا ابوللو فى دير البلايزة
و ام الغلابة , معلش هى كلها فى مصر عندنا
الدير الابيض , انبا شنودة , عملاق حياته تدرس , كنيسته جبارة تشهد لاعمال عظيمة , ومغارة للاسف مطلعتش فوق علشان ازورها الدنيا كانت ظلمة
الدير الاحمر , الانبا بيجول و الانبا بيشاى , اجمل كنائس مصر , مهما طمسها الظلام ترجع تنور , تشهد لعظمة الحضارة القبطية
اما كنيسة الانبا كاراس , مش هاقول رايى علشان محدش يزعل منى
اما المبيت له حكاية لوحده ممكن نحكيها
و لسه اليوم الثالث
بس حلم و خلص