ملاحظة غريبة

ملاحظة غريبة :
- حاجة لاحظتها و مش عجبانى يمكن اكون غلطان , بس ده رأيى
- الافلام الدينية رائعة و نشكر اللـه كترت و بقى اغلب القديسيين المشهورين ليهم افلام
- و لكن هل من اللائق استعمال صور الافلام اللى فيها الممثلين فى طباعة الصور الدينية او استخدامها على الانترنيت بشكل كنسى
- من زمان و احنا بنستعمل صور الممثلين اللى مثلوا افلام السيد المسيح بنفس الشكل و لكن الموضوع زاد قوى
- بالذات لما يكون القديسون دول معاصرين و صورهم الحقيقة منتشرة
و امور تانية ممكن تحصل و تعليقات لا داعى لها
( الصورة المنشورة مجرد مثال , و اعتذر لاستخدامها )
ممكن اكون غلطان فى رأيى , سامحونى

خد بالك

خد بالك :
" بحسب إيمان مختارى اللـه , عارفى اللـه , أبناء القديسين , ذوى التعاليم الشرعية الثابتة , الحاصلين على روح اللـه القدوس
أنا نفسى تعلمت هذا ممن سبقونى و ممن لديهم هذه الحكمة و من عارفى اللـه
حسب كل اقوال الحكماء أتيت أنا مقتفيا أثر كل هؤلاء
و أنا ذو السمعة الحميدة , متمسكا بنفس العقيدة
و متحمل كثيرا من أجل مجد اللـه , ومتعلما من الحكمة الإلهية "
كلام رائع و جميل , من كتبه ؟
اريوس فى كتابه " ثاليا "
لا نخدع انفسنا بكلمات حلوة و جميلة ربما ورائها سموم
( ضد الاريوسين البابا أثناسيوس الرسولى )

سؤال محرج

سؤال محرج :
سألنى أحد الخدام الصغار : إذا صدر قرار من المسئول عن الخدمة , قرار تنظيمى , و انا غير مقتنع به !!!!!!!!!! انفذه و لا بلاش ؟
قلت له احنا اتعلمنا اننا نطيع قرارات المسئول عن الخدمة , و لو كنا مش مقتنعين بيها بنسأل عن الاسباب , لكن المهم لا نكون سبب عثرة امام الاخرين و بالاخص لو كان قرار تنظيمى لا يتعارض مع حياتى الروحية
رد على رد غريب , حقيقى مش عارف الاجابة عليه !!!!!!!!!!!!!!!!!!!!!!!!
قال لى طب ليه الانبا فلان مش بينفذ قرار المجمع المقدس اللى هو عضو فيه , علشان هو مش مقتنع بيه لاسباب كلنا عارفينها
و لو نفذه بيكون لما يجى المجمع المقدس بس
لو كان الانبا فلان بيعمل كده بتلومونا احنا الخدام الصغيرين ليه !!!!!!!!!!!!!!!!!!
المعنى فوق رأس الشاعر

تصريح سفر

بمناسبة بداية السنة القبطية الجديدة :
تصريح سفر لراهب من منف جنوب الجيزة ليعبر النيل الى الفسطاط ( مصر القديمة )
" هذا كتب من حازم مولى أبى موسى و شبيب بن ........ عاملى الأمير عبد الملك بن يزيد على كورة منف
لقلّنيك ونافر أشمط اللّحية أغثم أبيض بوجهه خيلان
من أهل دير أبي هرميس من كورة منف
إنّا أذنّا له يعمل بالفسطاط في حرمه جزيته والتماس معيشته
وأجّلناه إلى انسلخ شهر ربيع الأوّل سنة ثلث وثلثين ومائة
فمن لقيه من عمّال الأمير أصلحه اللّه فلا يعرض له إلى ذلك من الأجل إلّا بخير
وكتب إبرهيم في مستهلّ ربيع الأوّل سنة ثلث وثلثين ومائه "
وللحديث بقية

حط ودنك

حط ودنك مع الناس فى المواصلات تسمع العجب
النهاردة سمعت قضية فساد رائعة فى وزارة التربية و التعليم
عن عمل عقود للمدرسين لمدة 3 سنوات ثم التثبيت
للحبايب و الاقارب و المفاجأة كما سمعت منهم مش مدرسين اصلا و بيتعمل جدول حصص صورى
و الابطال اتنين ستات وواحدة طالعةمعاش و رايحة السنة دى علشان ت..... و زى ماقالت واحدة من الموظفات بعد ما الكرش اتملى تتوب بقى
الفساد فى كل مكان , طب ما احنا عارفين

الشجرة التى شاخت

الشجرة التى شاخت :
- مع مرور الايام و نقص الرعاية و الاهتمام شاخت تلك الشجرة قبل اوانها
- اصبحت ضعيفة امام العواصف الشديدة و لا تقدر ان تحتمل تقلبات الطبيعة
- اصبح ثمرها شحيحا و ليس لها طعم ان  وجد فيها
- اصبحت ذكرى يتذكرها كل من يعبر عليها , يتذكرون ثمارها و لكن لا يتذكرون جلساتهم اسفلها فى ظلها لانها كانت قليلة جدا
- و لكن الان تتساقط اوارقها و سيأتى اليوم الذى ستقف فيه عارية من كل شىء
- ستصبح عارا وسط الاشجار ان لم تصر بالفعل , انها تحيا  على الذكريات فقط
- و ربما للاسف هى ذكريات خادعة , فلم تنبت اشجارا اخرى منها و ثمرها ربما كان بلا فائدة شكل فقط
- لم يستظل تحتها الكثيرون و يصنعون ذكرياتهم الخاصة تحتها لانها لم تسمح بذلك
- شاخت قبل اوانها
- هل آن الاوان لكى تقطع و تفسح الارض لغيرها بدلا من ان تصير شجرة جوفاء بلا ثمر او اوراق
- ام تختفى قليلا عن الانظار لاعادة تقليم فروعها و الاهتمام بنظافتها من السوس الذى نخر فيها
- و الاهتمام بتغذيتها بقوة , ربما تعود لتزدهر مرة اخرى و تثمر و تمتلىء بالاوراق الزاهية التى توفر ظلا لمن تحتها
- انها تحتاج ان تفتح قلبها للاخرين و تحيا بالحب
- ربما يكون لها ذكرى فى قلوب الاخرين
- و الآن ما هو مصير الشجرة التى شاخت قبل اوانها

خليك كووووووووول

خليك كووووووووول
- ليه تبقى متعصب و ضد الانسانية و تقول انا بس اللى هاخلص و الباقيين لا , طب انت مالك دع الخلق للخالق , خليك فى طريقك و ما تبصش لغيرك
اسمع كلامى الناس هاتحبك و لو ماسمعتش هايقولوا عليك كلام , انت حر !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

- حاضر يا اخويا انا مش هاقول كده تانى بس هاقول انى اعرف الرب يسوع المسيح مخلصى و ماشى فى طريقه اللى قالى عليه لحد النهاية , انا عرفه و هو عارفنى و بعدين هناك هاكون معاه فى السما اشوفه بعينى , انا و كل اللى يعرفه , هو رب الارباب و ملك الملوك 

- و الاخرين اللى مش عارفينه و ما سمعوش كلامه ها يقولهم , انى لا اعرفكم اذهبوا عنى , روحوا المكان اللى انا مش هاكون فيه مع اللى مشيتوا وراه

و طبعا المكان اللى مش موجود فيه الهى و ربى يسوع المسيح هيكون مكان مختلف و مش هاقول اسمه , كده ابقى كووووول

و للحديث بقية .................. تونى