اهدى مكان فى العالم

فى تلك الظروف الباردة و الحزينة
العقل و القلب يحتاج لراحة و هدوء
فى اهدى مكان فى العالم

يا روح و قلب ماما

يا روح و قلب ماما :
- ماما انا عاوز اقولك حاجة
- قول يا روح و قلب ماما
- انا زعلان منك علشان اللى عملتيه و علشان كده مش هاكل تانى فى البيت و هاكل بره البيت , متعمليش الاكل اللى بحبه تانى
و بعد شوية الاخت تقول لماما :
- ماما عاوزه اقولك حاجة
- قولى يا روح و قلب ماما
- متعمليش الاكل اللى بحبه النهاردة علشان انا مش هاكل فى البيت , علشان اخويا ميزعلش منى , هنجيب اكل من بره
- حاضر يا روح و قلب ماما , بس انا هاعمل الاكل اللى بتحبوه علشان بابا و باقى اخواتكم , متزعلوش منى , هما برده روح و قلب ماما

تعالوا الىّ يا مباركى ابى

تعالوا الىّ يا مباركى ابى :

- هل نحزن كالاخرين الذين ليس لهم هذا الرجاء

- هل نحزن على من اعد مكانهم و ذهبوا اليه

- هؤلاء قضيتهم انتهت و سمعوا الحكم

 " ادخل الى فرح سيدك "

- و لكن احزن على نفسى لاننى مازلت انتظر الحكم

- سيأتى اليوم و اسمع صوته ينادى

- فهل ساسمع " تعالوا الىّ " ام " اذهبوا عنى "

- هذا هو الحزن الحقيقى : استعد للقاء الهك 

 

اصلك مش فاهم حاجة

اصلك مش فاهم حاجة :
جملة مشهورة حاليا وسطنا
اصبحنا نسمعها كثيرا و نرددها اكثر
كل انسان يرى نفسه دائما هو الوحيد الذى يفهم
كل واحد اصبح يشعر انه الوحيد الذى لديه احساس
اصبحنا نهين الاخرين و نقلل من مشاعرهم , لماذا ؟
نتكلم و نعبر عن مشاعرنا و افكارنا دون مراعاة للاخرين
لماذا ؟ لانهم لا يفهمون و لا يشعرون كما نعتقد
الانسان لا يرى سوى نفسه فقط تلك الايام
لنحاول ان نشعر بالاخرين مرة واحدة

تحتاج الى الصلاة

هذه البلد تحتاج الى الصلاة من كل قلوبنا 

لكى ترجع افضل مما كانت

الشىء المحزن

الشىء المحزن ان عمل اللـه لا يتم فى كنيسته ربما لاسباب كثيرة تخصنا نحن و ضعفنا فى اتمام عمل اللـه
لكن الشىء الاكثر حزنا ان تجد من يفرح بذلك و ربما يعمل لعدم نجاح عمل الرب فى كنيسته لاسباب شخصية تتعلق بذاته و رغباته
عندما تبتدىء الكنيسة فى عمل لمنفعة اولاد اللـه مهما كان رأينا فى هذا العمل و توقيته , لابد ان نقف جميعا خلف كنيستنا فى هذا الامر
و اى تقصير نشعر به فى كنيستنا نعمل بكل جد لكى نصلحه حسب مايسمح لنا و الاهم دون ان نفضح من يقومون بهذا العمل بل نستر عليهم
هذا ما تعلمناه فى كنيستنا
نراجع خدمتنا لنرى الى اين صرنا

سؤال محير

سؤال محير !!!!!!!!!!!!
- نقعد ساعات و نحن نقرأ لفلان و نتحدث عن كلماته و لا نستطيع ان نقعد دقائق لقراءة كلمات رب الكون و خالقه
- نقعد ساعات نرغى ربما فى كلام فاضى مع الاصدقاء و لا نستطيع ان نقف دقائق لنكلم من بيده كل الامور
- نقعد ساعات نشكى همومنا و مشاكلنا لمن حولنا و لا نستطيع ان نجلس دقائق مع اب الاعتراف امام ضابط الكل الذى معه الراحة
- نقعد بالساعات نجهز فى الطعام و نتلذذ بذلك و لا نستطيع ان ننتظر دقائق لنتناول من جسد و دم واهب الحياة
- نقعد بالساعات و ربما بالايام ندافع عن ارائنا و ذواتنا و لا نستطيع ان نقبل تدبير اللـه فى حياتنا و نطلب منه تغيير العالم لاجلنا

خدمة الابن الاكبر

خدمة الابن الاكبر :

- لم يتذكر الابن الاكبر سوى ذاته و تناسى مشاعر ابوه و فرحته

- لم يتذكر الابن الاكبر سوى كرامته و تناسى مشاعر اخوه و حزنه

- لم يتذكر الابن الاكبر سوى اخطاء اخيه و تناسى ان يستر عليه

- لم يتذكر الابن الاكبر سوى رايه و فكره و تناسى ان يفرح باخيه

- لم يتذكر الابن الاكبر سوى ميراثه و ماله و تناسى محبة ابوه

- لم يتذكر الابن الاكبر سوى اصدقائه و جديه و تناسى اقرب الناس اليه

- عذرا هل نحن فى زمن خدمة الاخ الاكبر ؟

- رأيى و كرامتى و حياتى اهم من الكنيسة جسد الرب

- لا نفرح و لا نسر مع الكنيسة باولادها

- نفضح اعضاء جسدنا و لا نستر عليهم

- نتمنى لهم الفشل و عدم النجاح و نعمل على ذلك

- كل هذا لنحافظ على كرامتنا و وجودنا الذاتى

- لا عذر و لا مبرر لما نفعله الآن

- اخشى ان نسمع الصوت " اسمك غير موجود فى مدينة الخدام "

- و تكون " حدث فى تلك الليلة " واقع و ليس حلم

ربنا يستر

ربنا يستر :
- قال لى : يا استاذى انا بقيت خادم فى الكنيسة
- قلت له : مبروك , ربنا يستر
- فاجابنى و هو مبتسم اكيد ربنا يستر على الخدمة مننا
- فاجبته : الخدمة دية بتاعته هو يستر عليها و لكن قصدى ربنا يستر عليكم انت
- فاستغرب و سالنى و كيف ؟
- فقلت : ربنا يستر عليك و يحفظك فى خدمته لان كثيرون ضاعوا فى الخدمة
- كثيرون اعتقدوا ان الخدمة هى منصب و هى خدمة الارجل
- كثيرون اعتقدوا ان الخدمة هى تعليم و هى تعلم
- كثيرون اعتقدوا ان الخدمة اظهار مواهب و هى تترك الله يعمل بك
- كثيرون اعتقدوا ان الخدمة شهرة و هى انكار ذات
- كثيرون ضاع الهدف فى وسط اهتمامات الخدمة و تناسوا " ان من يدك اطلب دمها "
- عندما اتذكر ما تعلمته فى السنوات الاولى للخدمة اتسأل هل ما زلت محتفظ بتلك المبادىء و النقاوة و الحماس ؟
- اخشى ان يكون الشعر قد شاب و العقل و القلب كذلك
- احترس لانفسكم و للرعية التى اؤتمنتم عليها
- لا تكن اجيرا او اخ اكبر بل كن راعى صالح و اب يفتح حضنه و ينتظر من ضل و تاه
( اعتقد نحتاج دراسة حول تأثير مدارس الاحد على المجتمع القبطى )

لو سمحت من فضلك

" لو سمحت من فضلك ممكن اطلب من حضرتك طلب بسيط جدا اذا تكرمت ممكن تعطينى هذا الكوب الموجود بجانبك الايمن على الترابيزة الصغيرة لاتمكن من صب بعض الشاى لاشربه بعض ان اكلت وجبة الغذاء اللذيذة التى قامت زوجتى بصنعها لىّ هذا الصباح قبل ان أجى الى العمل لكى يساعدنى على هضم الطعام لاتمكن من العمل بنشاط , ممكن من فضلك ان تقوم لىّ بذلك الامر ساكون شاكرا لك "
هذا هو اسلوب التعليم الجديد !!!!!!!!!!!!!!!
من له اذنان للسمع فليسمع

الاقباط و القديسين

الاقباط و القديسين :
- توجد علاقة قوية بين الشعب القبطى و القديسين
- ربما تحتاج ان نعود لايام الفراعنة لندرس ارتباط الاقباط بابطالهم و كيف يكرمهم
- هل هو احتياج طبيعى للانسان ان يرتبط بشخصيات قوية , مثال له
- كتابة سيرهم و المبالغات التى تضاف و هدفها
- اكرام اجساد القديسين منذ ايام الانبا انطونيوس ق4 و الانبا شنودة ق5 و حتى الان
يحتاج الامر لدراسة وافية لكى نعطى للاقباط حقهم
- اكرام القديسين و اجسادهم فى الكنائس الاخرى و ارتباطه بالكنيسة القبطية

خواطر فى المعرفة

خواطر فى المعرفة :
4- هل ليكون تعليمى ابائى لابد ان اذكر ان الاب الفلانى قال او القديس العلانى قال هذا ؟ اسأل هل يوجد فرق بين الكتابة الاكاديمية و الدراسية و الوعظ لشعب علمانى
6 - سمعت موضوع لاحد المتخصصين فى الاباء و قال مقدمة رائعة عن كيف تدرس الاباء من معرفة مناسبة النص و لمن يسمعه و نوعيته و لكن عندما بدأ الموضوع تناسى كل هذا فقط ليؤكد افكاره
7- قرأت نبذه لاحد الوعاظ البروتستانت و كانت رائعة لان كلها كانت تعاليم ابائية دون ذكر هذا او اسم احدهم , قدموا تعاليم الاباء بصورة متطورة تجذب الشباب

ثقافة التيك اواى

" فتقدم صدقيا بن كنعنة وضرب ميخا على الفك وقال: من أي طريق عبر روح الرب مني ليكلمك " 2 اخ 18 : 23
ثقافة التيك اواى
- المشكلة فى رأيى
1- ان البعض ينظر للتراث القبطى بكل مجالاته كجزر منعزلة منفصلة عن بعضها , لا ينظرون للصورة الشاملة و تطور هذا التراث
2- اننا فى عصر اسميه " عصر انصاف الحقائق و شخصنة المعرفة " الكل ينظر لما يعرفه و يعجبه و لا يهتم بعرض الصورة كاملة و البعض ترتبط المعرفة لديه بشخص او زمن او مكان هو ما يسير وراءه
3- التشكيك فى الكنيسة و تراثها هو هدف الدراسة و ليس المعرفة و الفهم , لصالح شىء معين
4- احتكار البعض للتعليم و التعامل مع الاخر على انه عديم المعرفة
للاسف كثير من الباحثين الاقباط صاروا هكذا

ربنا موجود 2

ربنا موجود
ربنا مش بيسيب حقه و حق ولاده
لكن كل شىء فى وقته المناسب
اوعى تفتكر ان مافيش عقاب
افتكر قصة داود اوعى تنسى
افتكر الابن الضال و ميراثه اللى ضاع
افتكر لما توعد لازم توفى
لما تنذر شىء لازم تعمله
ربنا مش بتاع كلام و لكن اله افعال
ربنا عاوز ابنه يكون زيه بتاع افعال مش كلام
لما تفكر تغلط افتكر ان الهك عادل
زى ما فاتح حضنه علشانك لما ترجع
برده مستنيك تصلح

ربنا موجود

ربنا موجود
لكن مش هيمنعك من اتخاذ قرارات لحياتك
مش هيمنعك من تحمل نتائج قراراتك حتى لو كانت سلبية
مش كل قرار تاخده تنسبه لربنا و تقول تدبير ربنا
مش كل قرار مش هتاخده ربنا هياخده مكانك
يوجد فرق بين اتكال على ربنا و التواكل
الهنا عادل و رحيم

قوته عظيمة

" قوته عظيمة ... وعظيمة العظيمة ومدبرة وحكيمة ، وان نزلت البحر تطلع سليمة "
من تراث الاقباط

كان بيحكي لى

كان بيحكي لى و هو مندهش :
- سيدة كبيرة طلبت مساعدتى فى الشارع و بعد شوية بتسالنى اسمك ايه فقلت لها
- لقيتها بتقولى الست العدرى اللى بعتاك ام النور ام المخلص ابقى ولع شمعة لى للعدرا
- هو ابونا اخنوخ موجود ؟ كنت عاوزاه يصيليلى ؟ بتسالنى
- السيدة لم تكن مسيحية بالطبع مع الحوار المعتاد عن المحبة و كلنا عايشين مع بعض اخوة
- و لكن ما لصق بعقلى اكثر جملة : الست العدرا اللى بعتاك لى
و سالت هو مافيش حد يبعتها لى انا كمان !!!!!!
و لكن هى بترد تانى يوم بالافعال و ليس الاقوال

احترت فقررت السكوت

احترت فقررت السكوت :
- لاحظت عندما يقوم البعض بدراسة تعاليم شخص معين او مجموعة معينة و يكتشف بعض الملاحظات و الاخطاء فى تعاليمه و يوضح تلك الامور بالادلة و البراهين
يتقدم المؤيدون دائما بالحديث عن المحبة و الصلاة من اجله و احتمال ضعفات الاخرين فى صمت بلا تشهير و طلب عدم التكلم مرة ثانية !!!!!!!!!!!!!!!!!!!!!
- و لكن عندما يتكلم هؤلاء عن الكنيسة و يهينوها و ينشروا ضعفاتها و يحرفون ايمانها و يسيئون الى ابائها و يدعون امتلاك المعرفة لهم وحدهم
نرى المؤيدون يتكلمون عن اهمية العلم و الدراسة و الاهتمام بمعرفة لراى الاخر و اهمية المحبة بين مختلفى الاراء و الوحدة فى جسد المسيح
- فاحترت و قررت السكوت

الاحساس بالاخر مهم

الاحساس بالاخر مهم
و الاهم سرعة الاستجابة لهذا الاحساس

ترانيم ديجيتال

ترانيم ديجيتال للافراح
حقيقى اول مرة اسمعها بس قالولى انها موجودة من زمان
ترانيم برتم مختلف لتناسب الافراح و المناسبات السعيدة
يعنى ترنيمة " تحت صليبك " مثلا يرقص العريس مع عروسته على انغامها
ازاى معرفش
حقيقى الاقباط مكارين

هذه بعض التغييرات

activate : بعض الامور فى تعاملاتى مع الاخرين
deactivate : امور فى تعاملاتى مع الاخرين
save : اشخاص جدد فى حياتى
save as : اشخاص تغيرت صورتهم فى عينى
archive : اشخاص خاب املى فيهم
delete : لن احذف احد لاننا نتغير ( فرصة تانية )
هذه بعض تغييرات فى الرابطة الاولى و الثانية فى حياتى 
( من وحى المؤتمر )
30/8/2016

القميص و الكتاب

عندما تقرر تشترى قميص مثلا , تحتار بين الالوان و الانواع و الاسعار
و كذلك عندما تقرر ان تشترى امور كثيرة
و لكن .
عندما تقرر ان تشترى كتابا لا تحتار و لا تختار
الكتاب الجيد ينادى صاحبه
لذلك افضل الكتب

بعد العمة مافيش كلام يتقال

بعد العمة مافيش كلام يتقال :
فرصة نتكلم قبل ما نلبس العمة
المهم نرضى اصحاب العمم الكبيرة و الصغيرة
و بعدين ربنا يسهل لينا و احنا و حظنا
نلبسهم العمة و بعدين يلبسونا احنا العمة
اخر كلام
و سكت عن الكلام المباح و الغير مباح

نصف الحقيقة اللى مش بيتقال

نصف الحقيقة اللى مش بيتقال :
مصر ليست فقط موظفين الحكومة و اصحاب المعاشات بكل انواعها
و لكن مصر قطاع خاص و اعمال حرة
هما دول اللى مش لاقيين اكثر و مافيش سند ليهم غير ربنا و صحتهم
ربنا يقويهم
22/8/2016 

جابريلا اندرسين

جابريلا اندرسين : Gabriela Andersen-Schiess
 - عداءة سويسرية وقف العالم كله لها احتراما فى اوليمبياد لوس انجلوس 1984
- رغم تعبها الشديد اصرت ان تكمل هدفها و تنهى سباق الماراثون
- كان لها هدف و حققته
- ملايين شاهدوا الفيديو و علقوا عليه و لكن كم واحد منهم اكمل هدفه مثلها
- ليس المهم ان تكون رقم واحد المهم ان تحقق هدفك
- لست مثلها بالتاكيد و اتمنى ان اكون كذلك

كاهن صعيدى

كاهن صعيدى :
- كاهن بلدنا فى الصعيد فيه حاجات بتعجبنى فى خدمته
- كل البلد تعرفه كويس و هو يعرفهم واحد واحد و لما كان يشوف واد صغير يقول له تعال , مش انت ابن فلان ؟ .
- كل البلد تحترم كلامهم و تنفذه مهما كان , كلامه اوامر , لانهم عارفين شخصيته كويس , مش بيجامل حد علشان خاطر واحد تانى , و احتراما لكهنوته
- بيعرف امتى و ازاى يتكلم مع كل واحد , لانه عارفهم كويس و عارف شخصيتهم
- بيدخل كل بيت فى البلد , مالوش ناس معينة و اول ما تطلبه يجى فى نفس اليوم ان امكن
- موجود على طول , بيته قريب , روح بس و ناديه , موجود فى الكنيسة دايما مش فى مواعيد رسمية للحضور و الانصراف
- موجود دايما فى كل مناسبة فرح او حزن , مش مرة و لكن كل يوم
- كنت اراه فى وقت العصارى قاعد على المصطبة قدام بيته , كل اللى عاوزه ممكن يقعد معاه
كانت ايام ..................

خد بالك من المركب

خد بالك من المركب :
- واحد يقول المركب بتغرق خد بالك و لازم تسد الخروم و تصلح الشراع ولازم .....
- و التانى يقول المركب سليمة و مافيش غير شوية مشاكل بسبب الرياح و بعض الركاب و كله تمام
- الاول بيقول كده علشان الناس تاخد بالها و تهتم و تحاول تصلح
- و التانى بيقول كده علشان الروح المعنوية و علشان مايحصلش قلق ممكن يغرق المركب
- كل واحد عنده اسباب و دوافع و النتيجة ؟
- المركب فى ايد ربنا , ممكن ينجيها و ممكن يسمح بغرقها , صح ؟
19/8/2016

حتى الباذنجان

حتى الباذنجان بيقولوا فيه شعر :
- و مستحسن عند الطعام مدحرج - غدا يمير الماء فى كل بستان
نضلع من اقماعه فكانه - قلوب نعاج فى مخاليب عقبان
- و باذنجانة حشيت حشاها - صغار الدر باللبن الحليب
و غشيت البنفسج و استقلت - من الآس الرطيب على قضيب
- صدقونى نص الكلام مش فاهمه

دول ناس زينا

دول ناس زينا :
الاوليمبياد درس مجانى كل اربع سنين و توبيخ قاسى لينا
ازاى الناس دول كده ؟
كل شخص متميز فى حاجة معينة توضح مدى عظمة الانسان لانه صورة اللـه
لماذا هم ناجحين و نحن فاشلين نشكو الزمن و الظروف
هدف و اصرار و ممارسة و استمرار و تميز
لنراجع حياتنا و نرى كم من فكرة اهملناها و لم نسعى لتحقيقها
ليقل الضعيف بطل انا

مطلوب ان اكون

مطلوب ان اكون :
1- مشارك
2- ممتنع
و لو كنت مشارك ممكن اكون :
1- مقتنع بما يدور و اهمية مشاركتى
2- محلل , لما سيتم بى او بغيرى
و لو كنت ممتنع ممكن اكون :
1- معترض , لانى لا اوافق على ماحدث
2- محرض , و سلبى اشجع الاخرين على السلبية
ياترى ساكون من ؟
اعتقد اننى ساظل محافظى على ما اخترته لنفسى
و ارجو من استاذى العزيز ان يسامحنى
ربما هذا ما سيكون و ربما يتغير الامر
و الايام بيننا
14/8/2016

اعترافات :

اعترافات :
" اكتشفت اننى كنت غلطان , كنت افكر فى نفسى كثيرا جدا و انا قلق من راى الاخرين فىّ , كنت اعتقد ان الجميع سيسخرون منى و يضحكون علىّ "
من اعترافات خجول ( مكسوف )
- لماذا لا تعرف كيف تتصرف مع الاخرين ؟
- لماذا تخسر كل يوم لانك مكسوف او خايف ؟
- لماذا تنتظر حتى يطلب منك الاخرين ان تفعل ما تحبه ؟
ليقل الضعيف بطل انا
كل انسان هو جبار بأس و لكن كثيرون تمضى الايام دون فائدة
خليك اسد و تعال و شارك

الذئب فات عليك ؟

قالوا الذئب فات عليك ؟
طب كان عاوز ايه ؟
ولا حاجة كان جى يسلم بس
بجد مش ممكن اكيد عاوز حاجة
و بعد ساعات فات الثعلب و قال
جهزتوا الحاجة اللى عاوزها الذئب
بجد و حشنى سلامك يا ديب انت و التعلب

احنا الى فهمنا غلط

" يبقي احنا الى فهمنا البوست غلط "
تعليق اعجبنى لانه يشير لخطأ كثيرا ما نقع فيه بالاخص فى مصر
فى كل مجالات حياتنا
احيانا نعتقد ان من امامنا يستشيرنا او يريد ان يسمع راينا
و فى حقيقة الامر هو اتخذ قراره و يريد فقط ان ننفذه معه
و من الممكن انه يريد ان نعمل ذلك بطريقته هو
نعتقد ان الحكومة تهتم بسماع راى المواطنيين و لكن هذا ليس صحيح
يعتقد اى من الزوجان ان الطرف الاخر يريد سماع رايه و هو مخطىء فى ذلك
نحن نفهم خطأ دائما !!!!!!!!!!
فمن يريد سماع الراى الاخر سيفعل ذلك بطريقة اخرى ربما مع من يثق فيه فقط
اما من يطرح الموضوع للنقاش العام فهو العكس تماما
فهو اتخذ قراره و يريد فقط الاعلان عنه
( بالتاكيد لن يتفق الجميع على راى واحد , لذلك فرايه هو الصواب دائما )
مجرد رأى

كله يقف فى الصف :

كله يقف فى الصف :
مشاعركم مش لعبة
الواحد هيبطل يركب مواصلات تانى
كل فترة اسمع حوار مش عارف يحزن ام يبكى
المرة دى شباب مسيحي ناجحين فى الثانوية العامة
ولاد و بنات مع بعض ( احيكلكم عليه مرة تانى )
اذا كان ما سمعته امس فى الاتوبيس من شباب مسيحى
هو نموذج للصداقة الان بين الشباب و الشابات
فارجو بالاخص من الشابات عدم استعمال الفيس و الواتس فى الرسائل الخاصة جدا و ارسال الصورالشخصية جدا
لانه مافيش حاجة بتتمسح و كل الناس بتشوفها
خدوا بالكم
ارغوا فى التليفون احسن

اهرب الى اللـه من اللـه

اهرب الى اللـه من اللـه

الثعبان يظل ثعبان

الثعبان يظل ثعبان
حتى لو كان بين يديك
يارب يفهم

العصفورة قالت لى

العصفورة قالت لى كلام كتير
بس ليس كل ما يعرف يقال
خلينى ساكت احسن
فاهمين

كل الدنيا واخدة بالها

كل الدنيا واخدة بالها
ما عدا واحد
بس اكيد واخد باله و مطنش

بتبنى و لا بتهد

بتبنى و لا بتهد :
ملاحظة للاسف منتشرة بيننا
- خادم ما ينتقد شيء يحدث فى الكنيسة او احد انشطتها
ينتقد بمحبة لانه جزء من هذا الكيان و يرغب ان يكون فى اكمل وجه
- و تكون النتيجة تعليقات كثيرة تدافع عن ما يحدث و ان ملاحظة هذا الخادم ربما تكون شىء استثنائى او امر لا يعرفه الخادم
- و تشعر كأن هذا الخادم اخطىء و سبب عثرة لمن يقومون بتلك الخدمة و تكون النتيجة ان الخادم هو من يهدم جزء من شخصيته و ليس العكس
- برجاء كما تريدون ان يتعلم الاخرين كيف ينقدوا الامور !
تعلموا انتم كيف تتقبلوا النقد بهدوء !

هذه هى الحياة

هذه هى الحياة 

 تترك اثارك على الرمال و انت تعتقد انها ستدوم للابد
تعتقد انها ستبقى و تقول الا ترى من تركها ؟
و لكن الحياة مثل البحر ستمحو كل الاثار
مهما كان من تركها لانها على الرمال
اثارك ستمحى و لن تسير بقدميك هنا مرة اخرى

فى الانتظار

فى انتظار يوم 12/8/2016 

!!!!!!!!!!!!!!!!

نظرتك للحياة

انت تقدر تغير نظرتك للحياة

الماتش النهائي

الماتش النهائي
حياتنا على الارض هى مباراة بيننا و بين الحياة
من يفوز فى النهاية ؟
الحياة اسلوبها ثابت و معروف منذ البدء
لا جديد تحت الشمس
ولادة و موت , فرح و حزن , بناء و هدم
و لكن ما يختلف هو اسلوبنا نحن فى التعامل معها
لكى نفوز لابد ان يكون من يقودنا هو خالق الحياة
و لكنه هو الحكم ايضا و يعطى للحياة فرصتها
للفوز ليس المهم الاسم او المكانة او السن
كثيرا ما نرى بسطاء يفوزون
المهم هو الاستمرار لاخر دقيقة فى الرغبة فى الفوز
و الجدية فى اللعب و فهم الحياة
من يتهاون سيدخل فى شبكته اهداف كثيرة
يحتاج لوقت لتعويضها ربما لا يملكه
من يفوز فى النهاية

كما كان هكذا يكون

كما كان هكذا يكون :

" كما كان وهكذا يكون من جيل إلى جيل وإلى دهر الدهور آمين "

من اجمل الحان القداس بكلماته اليونانية البسيطة و نغمته الهادئة

يقوله الشعب بعد الترحيم و بعد ان يقول الكاهن :

" أولئك يا رب الذين أخذت نفوسهم نيحهم في فردوس النعيم في كورة الأحياء إلى الأبد في أورشليم السمائية في ذلك الموضع ونحن أيضا الغرباء في هذا العالم إحفظنا في إيمانك وإنعم علينا بسلامك إلى الإنقضاء "

- و كان السؤال ما هو الذى كان و سيكون الى الابد ؟

- هل هو الانتقال من هذا العالم ؟

- هل هو النياح فى فردوس النعيم ؟

- هل هو الغربة فى هذا العالم ؟

- هل هو حفظ اللـه لنا فى هذا العالم ؟

- هل هو سلام اللـه الذى اعطاه لنا ؟

- هذا كله مختصر لحياتنا الارضية و السمائية

- هل نتعلم كيف نقبل هذه الحياة ام نتذمر و نقول كما قالت نعمى " لماذا تدعوني نعمه و الرب قد أذلني و القدير قد كسرني " او كما قال يونان " موتى خير من حياتى "

و بعد اللحن يقول الكاهن :

" واهدنا إلي ملكوتك. لكي وبهذا، كما أيضا في كل شئ، يتمجد ويتبارك، ويرتفع اسمك العظيم القدوس، في كل شئ، كريم ومبارك، مع يسوع المسيح ابنك الحبيب والروح القدس "

- رغم كل الصعوبات اهدنا يارب لملكوتك , انت تعرف ضعف بشريتنا و اننا لا نقدر على الاحتمال بدونك

- لان مجدك و عظمتك و اسمك القدوس يكون و هكذا يكون من جيل الى جيل و الى دهر الدهور فى كل شىء كريم و مبارك لانه تدبير الثالوث القدوس .

- قطع الكاهن و اللحن بطريقتهم الهادئة الرائعة من الاجزاء التى احبها فى القداس

ربنا يدبر النصف الثانى

30/6/2016
منتصف العام مر بحلوه و مره 
ربنا يدبر النصف الثانى
  ( فى لحظة ما لابد ان تترك ما كنت تتمنى ان يحدث و تحيا فى ما يحدث بالفعل )

فى يد خالقه

العالم صغير جدا
فى يد خالقه
و سيكون فى يدك
اذا ......................

ربنا ياخدك

ربنا ياخدك :
اخطاء شائعة فى التعزية
- ربنا يجعلها اخر الاحزان :
طب ازاى هل الموت سيتوقف و ياخد اجازة !!!!!!!
اخر الاحزان بالنسبة لى هو يوم وفاتى !
فهذه الجملة تعنى فى رايى " المرة الجاية اجى اعزى فيك انت "
- البقية فى حياتك :
هل للمنتقل بقية ايام ؟
نؤمن ان كل انسان يرحل فى وقته و ليس له اياما يورثها لمن بعده
الا اذا كان كما نقول ربنا اخذه فى منتصف ايامه
و هذا امر يؤدى للتساؤل و زيادة الحزن و ليس للتعزية
للحديث بقية

خدنى يارب و ريحنى :

خدنى يارب و ريحنى :
- صرخة كثيرين نسمعها كثيرا بالاخص من الشباب 
- قالها يونان النبى قديما " موتى خير من حياتى "
- قالها بعد ان تابت نينوى بدعوته 
- قالها بعد ان صلى صلاة فى بطن الحوت من اروع الكلمات 
- قالها بعد ان عرف الملاحون الاله الحقيقى بسببه 
- و لكنه رفض مواجهة الحياة !!!!!!!
- اختار يونان الهرب من الواقع و مسئولياته 
- لم يعرف كيف يواجه مصاعب الحياة و عمل اللـه فى تدبير الكون 
- كان يريد حياة سهلة تسير حسب ما يريده هو 
- نحتاج ان نكون رجالا فى تلك الحياة 
- نحتاج ان نتعلم كيف نقف فى مواجهة الحياة 
- الحياة ليست اختبارا بل هى الحياة 
- نتعلم كيف نحيا 
- نتعلم كيف نؤدى دورنا 
- نتعلك كيف نكون سعداء رغم كل شىء
- نتعلم ان نستحق لقب " انسان "
متى سنتعلم !!!!!!!!!!!!!!!!!

احترت فى الحكومة المصرية :

احترت فى الحكومة المصرية :
تقولك الجزيرتين عمل سيادى للبرلمان فقط ( ابتديت اشك فيه )
مش عمل ادارى ( المحكمة لغيته )
و مش عمل سيادى يحتاج استفتاء ( الشعب هايلغيه )
واضح ان المعلوم كان كبير شويتين
ملحوظة : الرغيف ابـو10 قادم بقوة وداعا ابو شلن ( نفس الاسلوب مش هايتغير )
شكل مصر مش بتتحكم غير بالاسلوب ده

مجرد فكرة :

مجرد فكرة :
نختار خطا و بعدين نقول نسيب ربنا يختار
احنا نطلب من ربنا يرشدنا فى الاختيار
القرار قرارنا و احنا اللى هنندم لو اخترنا غلط
( الاختيار واضح اهل اليمين او اهل اليسار , نبص فى الصورة كويس , بس مين يفهم )

بلاش نتكلم فى الموضوع ده تانى

بلاش نتكلم فى الموضوع ده تانى
نستنى لما يخلص و بعدين نقبله فى صمت
شعار المرحلة القادمة

سيب وانا سيب

سيب وانا سيب
هاسيب لك فلان و تسيب لى علان
اتفقنا

من سيربح ..... ت ؟

من سيربح ..... ت ؟
- اختار الاجابة الصحيحة و لك ثلاث وسائل مساعدة , حذف الاجابات الخاطئة , راى الجمهور , الاتصال بصديق . اتفقنا
- السؤال : من هو اول انسان فى الخليقة , بدء البشرية ؟
1- ادم 2- زوج حواء 3- والد قايين و هابيل و شيث 4- ابراهيم اب الاباء 5- داود الملك
6 - ايليا النبى 7- بطرس الرسول 8- بولس الرسول 9- البابا كيرلس 10- الشماس حبيب جرجس
* ممكن استعمل وسائل مساعدة , حذف الاجابات الخاطئة ؟
- ممكن الكومبيوتر يحذف الاجابات الخاطئة
- فاضل لك ثلاث اجابات :
1- ادم 2- زوج حواء 3- والد قايين و هابيل و شيث
* ممكن وسيلة اخرى , راى الجمهور
- حاضر , استعدوا يا جمهور
الجمهور اختار لك ما يلى :
1- ادم 34% 2- زوج حواء 33% 3- والد قايين و هابيل و شيث 33%
* طب ممكن استعين بصديق
- ممكن مين هو ؟
* مدير المحطة !
- حاضر , الو سعادة المدير محتاجين المساعدة ممكن
الو الو اسف الخط انقطع

الديموقراطية المصرية انواع

الديموقراطية المصرية انواع :
1- ان تعطى للشعب حق الاختيار بين المرشحين الذين انت تختارهم و تقدمهم انت
2- ان تحير الشعب فى الاختيار بين المرشحين فيضطر ان يختار ما تريده انت
3- ان يختار الشعب ما يتبقى فقط من المرشحين بعد تصفيتهم ( بطرق مختلفة ) و بالصدفة يكونوا هم من تختارهم انت
- طب من الاول يقولوا عاوزين مين و يريحوا الدنيا و نوفر وقت و جهد و مصاريف
حقيقى مش فاهم , مين يقدر يفهمنى

نحن كلنا زوار لهذا الزمان

نحن كلنا زوار لهذا الزمان
نحن فقط عابرين لذلك المكان
نحن هدفنا فقط 

 ان نلاحظ
ان نتعلم
ان ننمو
ان نحب
ثم نعود لبيتنا .
مثل ابوريجينالى ( السكان الاصليين لاستراليا )

الضيف يظل ضيفا حتى يعود لبيته

الضيف يظل ضيفا حتى يعود لبيته :
- سالنى احد اخوتى الخدام ما رايك فى الموضوع , هل ستشارك ام ستعتذر كعادتك ؟
- اجبته الضيف يظل ضيفا حتى يعود لبيته ! و هذه المرة بالذات , مهما كانت شهوة القلب فى المشاركة قوية و لكن ................ رأيى لن يعجب الكثيرين
اتمنى الاحتفاظ بمحبة اخوتى الكبار و الصغار كضيف حتى يوم الرحيل لبيتى

حكيما عاش فى الدنيا

حكيما عاش فى الدنيا

حكمة الاسد لابنه

حكمة الاسد لابنه :
- يوما ما ستحكم كل هذه
- هل ساكون حاكم ديموقراطى منتخب
- لا بالطبع , ديكتاتور طيب
- ماذا عن ارادة الشعب ؟
- ارادة الشعب ان يطيعوك او ستكون ارادتك ان تأكلهم

قد سعيت باطلا

" لئلا أكون أسعى أو قد سعيت باطلا"
- بولس الرسول يراجع رحلته و خدمته
- متى سنراجع نحن خدمتنا ؟
- هل نخشى ان بعد تلك السنين نكتشف اننا سعينا باطلا !!
- هل نخشى ان يضحك علينا الاخرين و يقولون من انتم ؟
- هل نخشى ان نبحث عن الثمر فلا نجده لاننا لم نزرع شيئا ؟
- هل نخشى ان لا نجد من يقف بجانبنا بمحبة ؟
- امور كثيرة ربما نكتشفها بعد تلك السنين اذا نظرنا جيدا
- اخشى ان اكون قد سعيت باطلا و مازلت اسعى باطلا
- نحتاج ان نعود لاورشليم للمعتبرين اعمدة و نراجع انفسنا

سامحنى انا انسان

سامحنى انا انسان :
صرخة انسان
- لماذا تتعامل معى دائما كأنى ملاك من السماء او تريدنى ان اكون ملاك !
- انا انسان و اسعى ان اكون انسان و اتمنى ان تساعدنى لاكون انسان
- من حقى ان اغضب او ازعل و لكنى لا اكره احدا
- من حقى ان اعامل باحترام و ان اتجنب من لا يفعل ذلك
- من حقى ان اعبر عن رايىء حتى و ان كان لا يعجب كثيرون
- لن احتمل اكثر من طاقتى , من يحترمنى فوق رأسى
- من يقبلنى كما انا هو قريبى الحقيقى , من يحترمنى لنفسه و ليس لىّ لن يزيدنى شيئا
- ارجوك لا تملىء عقلى بامور ربما انت لا تقدر على تنفيذها

سؤال محيرنى

سؤال محيرنى :
ما تفسير تلك الايات
" لأن الذي يأكل ويشرب بدون استحقاق يأكل ويشرب دينونة لنفسه، غير مميز جسد الرب , من أجل هذا فيكم كثيرون ضعفاء ومرضى، وكثيرون يرقدون , لأننا لو كنا حكمنا على أنفسنا لما حكم علينا , ولكن إذ قد حكم علينا، نؤدب من الرب لكي لا ندان مع العالم " 1 كو 11 : 29 - 32
فى انتظار الاجابات ؟

سؤال محيرنى :

سؤال محيرنى :
اللـه لم يخلق شىء نجس
جسد المراة ليس نجسا و ليس عورة كما يدعى البعض
فهو عمل اللـه ضابط الكل
فلماذا ؟
نطلب من المرأة ان تستر جسدها فى الكنيسة بالاخص عند التناول
لماذانطالبها بستر جسدها تحت مسمى الحشمة و الوقار و الاحترام
لماذا نحرمها احيانا من التناول تحت مسمى الحشمة و جسدها ليس نجس او غير طاهر !!!!!!!!!!!!!!!!!
للحديث بقية ...........

خليها مودرن

بيقولك :

الصلاة لازم نغير اسلوبها بلاها اجبية خليها مودرن و مؤثرات خارجية ؟ حاضر

عاوزين الترانيم تبقى باسلوب مختلف زى البروتستانت يعنى ؟ حاضر

طب عاوزين دراسة الكتاب تبقى بشكل جديد بس بمفهوم اورثوذكسى اكيد ؟ حاضر

و التسبحة عاوزين شكل جديد شموع و موسيقى و اضواء ؟ حاضر

لكن ازاى هنحضر القداس باسلوب جديد بروتستانتى يعنى !!!!!!!!!!!!!!!

ازاى هاروح اعترف باسلوب مختلف مودرن يعنى !!!!!!!!!!!!!!!!!!!

للحديث بقية .................................

الالحان القبطية : ( 1 )

من الالحان التى احبها فى كنيستنا

الحان التوزيع او قطع التوزيع فى كل المناسبات

بى اويك , بى ماى رومى , كاتا نى خوروس و غيرها

استمتع كثيرا بسماعها

لغتها القبطية بسيطة لحنها هادىء , كلماتها ذات معانى رائعة

اتمنى دراستها بشكل موسع 

للحديث بقية .........

القاضى على المنصة

جلس القاضى على المنصة لينظر تلك القضية
محاكمة امراة قتلت رضيعها التى ولدته سفاحا و القته بعيدا
و تدعى انه مات بدون قصد منها و تخلصت منه خوفا من الفضيحة
ماذا يفعل القاضى فى هذه القضية و هو يعرف ............
انه والد هذا الطفل و هو من اخطأ مع تلك المراة !!!!!!!!!!!!!!!!
و انه تنتظر ماذا سيفعل معها فهى لم تخبر احدا بالحقيقة
قضية محيرة ؟
موقف من احد الروايات الاجنبية
من له اذنان للسمع فليسمع !!!!!!!!!!!!!!!!!!!!!

تنفيذ التعليمات

من مدة مش سامع اى كلام عن سد النهضة او الجزيرتين
تنفيذ التعليمات مستمر بقوة
طلباتك اوامر يا بيه

oh my God

oh my God :
كنت فى وسط البلد فلفت نظرى هذا الموقف
سائح و زوجته يوقفان تاكسى و يطلبان منه الذهاب لمكان ما
السائق يقول له : هاتدفع كام ؟
السائح على ما يبدو يفهم العربية قليلا يشير للعداد و يوضح انه سيدفع كما يحسب العداد
السائق مصمم : هتدفع كام ؟
السائح يرفض المساومة و يخبر زوجته بما حدث
تقول بصوت عالى سمعته oh my God و تكمل بكلمات اخرى لم اسمعها جيدا لاننى كنت تجاوزتهم
و بعدين لسه بنسأل ليه البلد دى مش بتتقدم

انا مخاصمه

قال : انا مخاصمه
سالته : مين ؟
قال : ربنا
رديت : طب و بعدين ؟
اجاب : هاستنى اشوف ربنا هايعمل ايه
قلت : طب خليك مستنى , ربنا معاك

طب ارد اقول ايه ؟

- بيقولك : ما تزعلش من فلان هو دايما بيتكلم غلط بس قلبه طيب خليك انت الكبير و متقطعش العلاقة بينكم !
- انا مش زعلان , بس انا حر فى اللى اكلمه و اتكلم معاه , حتى لو اخدها حجة للزعل ,ده طبعه مش هيغيره
بس عندى طلب ممكن تروح تقول له الكلمتين دول اللى قلتهم لى ؟
- لا ما ينفعش علشان انا مش باكلمه و لو اتكلمنا هزعله مش بقدر استحمل !!!!!!!!!!!!!!!
- طب ارد اقول ايه ؟

اتمنى ان لا اندم

اتمنى ان لا اندم على مشاركة الاخرين احزانى

مين فاكر ؟

الجمعة يوم 13 فى الشهر
تصدق الواحد مش واخد باله
مين فاكر ؟
الشاويش 1313

 

رسائل لمن يفهم : ( 3 )

رسائل لمن يفهم : ( 3 )
- اللى لم يهتم بك و باخبارك من سنة
لا تأمل انه هيفتكرك دلوقتى
الانسان بيتغير لكن مش للدرجة دى
يارب يفهم !!!!!!!!!!!!!!!!!

رسائل لمن يفهم : ( 2 )

رسائل لمن يفهم : ( 2 )
- متخليش ربنا شماعة فى حياتك
تلومه على قراراتك الغلط و اختياراتك الغلط برده
يارب يفهم !!!!!!!!!!!!!!!!!

رسائل لمن يفهم : ( 1 )

رسائل لمن يفهم : ( 1 )
- رسم قداسة البابا تاوضروس خلفا لقداسة البابا شنودة
ولم يرسم البابا تاوضروس بديلا للبابا شنودة
يارب يفهم !!!!!!!!!!!!!!!!!

مجرد فكرة : { 4 }

مجرد فكرة : { 4 }

- تعبير أعجبنى :

انا مش محتاجة نصائح انا محتاجة تحس بمشاعرى
- وبس

مجرد فكرة : { 3 }

مجرد فكرة : { 3 }

- مش هتتكلم فى السياسة و امور البلد و كمان الادارة فى الكنيسة هتبقى سلبى و الكنيسة بتعزل ولادها عن المجتمع و العالم
- هتتكلم فى السياسة و الادارة فى الكنيسة هتبقى بتنسى خلاص نفسك و بتهتم بالامور الارضية و بتبعد عن السلام الداخلى
احترنا معاكم , حتى خير الامور الوسط مش نافعة معاكم

مجرد فكرة : { 2 }

مجرد فكرة : { 2 }

- الاستنساخ فى حكم مصر :

مصر من مظاهر عراقتها ان نظام حكمها لم يتغير على مدار مئات السنين رغم تغير الاشخاص و الظروف
كل من يحكم مصر يعيد استنساخ نفس النظام ممن سبقه مع تغيير طفيف
هتقول لى و ايه مظاهر هذا النظام ؟
هاقولك بس حواليك و انت تعرف

مجرد فكرة : { 1 }

مجرد فكرة : { 1 }

- السماء مفتوحة فى كل ثانية فى حياتك تنتظر توبتك , الكلمة اقرب اليك من اى شىء
ليس للتوبة زمان افضل من غيره
التوبة ليست قرار لحظى يتأثر باحداث الواقع بل هى قرار حياة يستمر
لا تربط علاقتك بالرب يسوع بيوم او اسبوع فى السنة فقط

حكمة هذا العام

حكمة هذا العام :
لازم نطاطى علشان نقدر نعيش , الريح شديدة و الجسد ضعيف
نضحى بجزيرة علشان البلد تعيش
نقبل بسدعلشان البلد تعيش
و بعدين : حتة فى الشرق و كمان حتة فى الغرب و بعدين فى الجنوب
لازم علشان البلد تعيش
كنت بقول من زمان للى يسالنى عن الحال : لازم هيطاطى يوما ما علشان البلد تعيش
ما لازم البلد تعيش

حتة بنوتة حلوة

حتة بنوتة حلوة :
حكايتنا اليوم فى قطار الصعيد المكيف
كانا يجلسان امامى و لسوء حظهم فى الكرسى الاول فى مدخل باب العربة
و هى شابة عادية قبطية ترتدى ثياب عادية و لكن ربما بالنسبة لنا فى القاهرة
و هو يشبهها ربما اخوها , قريبها , زوجها لا ادرى
و لكن الغريب ما حدث من شباب و رجال مصر فى القطار
لا فرق بين الشاب و الكبير , الاعزب و المتزوج
الكل يرمقها بنظراته و يطيل النظر و منهم اخذ ياخذ العربة ذهابا و ايابا
و منهم من وقف خلف الباب ليرمقها من شباك باب العربة
و انا فى الخلف ارى و اتعجب
رايت انواع كثيرة من النظرات تفسر بامور كثيرة منها ما ليس له هنا مكان
و عندما كان يوجد كرسى اخر فاضى كانا يذهبان هناك
و كانت عيون من يدخل العربة من الجماعة اياها تبحث عنهم حتى تجدهم
لغة العيون تكشف الكثير من افكار البشر و نوعيتهم
و للحديث بقية

كلمة عجبتنى

كلمة عجبتنى مع تعديل بسيط :
يمكن للاسد ان يكون افضل صديق لك اويتجاهلك تماما
ومعاملتك تجاهه وحدها هى التى ستحدد
اى مكانة سيتخذها معك
انت اللى هتحدد مكانك فى حياته

ماتزعلش من فلان

جاى يقول : ماتزعلش من فلان , هو طيب بس اللى فى قلبه على لسانه !!!!!!!!! ماتزعلش من كلامه , اكيد مايقصدش !!!
اجبته : المشكلة ان اللى فى قلبه على لسانه !!! يعنى ده رايه الحقيقى مش كلام لحظة !!!!!
عموما انا مش زعلان منه , لكن صعب نرجع زى الاول

ليتك تكون هذا الانسان

ليتك تكون هذا الانسان :

ارتمى فى حضنك و ابكى و انت بعيد عنى

قال لى : هل تعرف ما يتعبنى فى كلام الاخرين معى عندما اكون حزين !!!!!!!!
يعندما يقول احدهم , انا عارف مشكلتك و فاهم ظروفك و مريت بها من قبل و كثيرون مروا بها و عبروا هذه الفترة , لا تقلق مشكلتك عادية !!!!!!!!!!!
و كت اتمنى ان اسمع منه دون ان يتكلم , انا بحبك بجد و حاسس بيك و نفسى اخدك فى حضنى , انا موجود فى اى وقت تحتاجنى فيه حتى من غير ما تقول هتلاقينى جنبك , هاسندك فى كل وقت , هاسمعك حتى لو مش قادر تتكلم , كثيرمروا بظروفك لكنك انت مختلف , انت اهتمامى الآن , هاسندك لحد ما تعدى تلك الايام و بعدها هافضل موجود .
مشاعر حقيقية , القلب بيحسها من غير كلام كتير و من غير مقارنات مع الاخرين , تفتكر ممكن الاقى هذا الانسان
يوجد فرق بين معرفة المشاعر و فهمها و بين الاهتمام بها و احتضانها و اشباعها
للحوار بقية

الباب غير مغلق

ان احزانى و افراحى هى ملك لىّ
لكن الباب غير مغلق بالمفتاح
لمن يريد الدخول
مجرد مقفول للحماية من التطفل
ليس لك عذر يا من تلومنى

تدبير اللـه

تدبير اللـه يحتاج حلول دائمة
المعجزات هى حلول وقتية

حزين حتى الموت

حزين حتى الموت من أجل اليقطينة !!!!!!!!!!!!!!!!!!!!!!!!!!

بلاش تلعب مع الاسد

بلاش تلعب مع الاسد :
- خبر غريب مش عارف اوصفه
- راعى كنيسة بروتستانت فى غانا , اعتقد انه مملوء من الروح القدس و ستخضع له كل الحيوانات
- اخذ اتباعه لحديقة الحيوان و بدء فى التكلم بالسنة ثم دخل الى قفص الاسد و هو مملوء من الروح كما كان يعتقد و عندما اكتشف الحقيقة جرى مسرعا و لكن الاسد التهم جزء من مؤخرته , و ربنا نجاه و لسه عنده مؤخرة , نشكر الرب 
http://www.rawstory.com/2016/03/christian-prophet-loses-his-buttocks-to-a-hungry-lion-while-trying-to-prove-god-would-save-him/

انا اللى جبت ده كله لنفسى

انا اللى جبت ده كله لنفسى :
- مع طرح شهادات قناة السويس جمعت الحكومة اكثر من ستين مليار جنيه
- مع طرح شهادات الاستثمار جمعت كذا مليار
- الناس فرحت علشان الفايدة اكثر من 12%
- بس اللى حصل الحكومة عرفت ان الشعب المصرى معاه فلوس تحت البلاطة
- خلاص مابقاش له حجة يقول مافيش , طب عملت ايه ؟
- الكهرباء زادت 20% كل سنة و المية زادت 100% و غيرها كتير زاد
- يبقى اللى اشترى مثلا بـ 100 الف جنيه و فرح بالفائدة حوالى 1000 جنيه فى الشهر يبقى خد بمبة
- 1000 جنيه مش هتكفى فرق الزيادات , يبقى اللى خده باليمين تاخده الحكومة بالشمال

مهما كانت الغيمة سوداء

مهما كانت الغيمة سوداء ثق بانها ستمضى و ستشرق شمسك مرة اخرى

رسالة من السماء

رسالة من السماء
لن اسالك ابدا ان تلبس قناعا لتخفى ما تعانيه , انا احبك , مهما حدث . I would never ask you to wear a mask for me in order to hide what you’re going through. I love you, no matter what

ملاحظة غريبة

ملاحظة غريبة :
سمعتها و عجبتنى و اتمنى ان اجد لها تفسير
- كل المسئولين عن تحقيق العدالة فى مصر , كانوا طلاب مرحلة ثالثة فى الثانوية العامة ( اغلبهم مش كلهم )
- ضباط و امناء الشرطة و لكن ربما اختاروا ان يخرجوا من منازلهم صباحا و لا يدرون هل سيعودون مرة اخرى
- و لكن القضاة ووكلاء النيابة , صاروا يسكنون البرج العاجى , لا احد يحاسبهم بل هم يحاسبون الاخرون , ما عذرهم ؟
- زمان كانت كلية الحقوق من كليات القمة , لان تحقيق العدل يحتاج لمن يحترمه اما الآن فطبيعى ان اولاد القاضى يبقوا قضاة لانهم مرحلة ثالثة
ملاحظة غريبة و لكن حقيقية

هو الوحيد

من يسمح بالجروح هو الوحيد القادر على شفائها اما البشر فما يفعلونه هو محاولة تخفيف الالم فقط

كلمة سمعتها و عجبتنى  

يسوع يرى

" يسوع كان ينظر لكل من قابله , الزانية و اللص و يرى الجمال الخفى داخله و ليس القبيح " . المطران انطونى

الكنيسة هى :

الكنيسة دائما هى حضن مفتوح لكل انسان و اذن تسمع كل انسان و يد تحتضن كل انسان و قلب يشعر بكل انسان , هذه هى الكنيسة كما اعرفها و اتمناها دائما

تكلم حتى اعرفك

تكلم حتى اعرفك :
- سألنى ما رأيك فى فلان ؟
- قلت لم اسمعه يتكلم حتى اعرفه , لا اعرف من هو !!
كثيرون تغيرت فكرتى عنهم لما سمعتهم يتكلمون و سمعت اراؤهم المختلفة و كيف يتقبلون الرأى الاخر
و كثيرون صمتوا فى وقت يحتاج للكلام و تغيرت فكرتى عنهم ايضا
و اخرون لم تأتى الفرصة لاسمعهم و اكون رأى عنهم و منهم من تسألنى عنه . 
للحديث بقية

محدش يحط ايده علىّ

محدش يحط ايده علىّ :
- لا اعرف لماذا اتذكر تلك العبارة دائما , عندما ارى من يدعى انه قس او كاهن !!!!!!!!!!!!!!!!!!
- ابائنا الرسل قالوا للشعب اختاروا انتم و نقيمهم نحن شمامسة
- بولس الرسول يوصى تلميذه ان لا يضع يده على احد بسرعة و ان لايهمل الموهبة التى نالها بوضع اليد
- فأنت من تسرق لقبا لا تستحقه من اعطاه لك ؟ من وضع يده عليك ؟
- هل اللـه ظهر لك فى الحلم و اعطاه لك , كما يظن البعض !!!!!!!!!!!
- هل الشعب وضع يده عليك و خالف وصية الانجيل ؟
- ام زملائك وضعوا يدهم عليك !!!!!! فمن وضع يده عليهم ؟
- ام هى مجرد القاب تخدعون بها البسطاء
- اكتفوا بالشيخ او بالاخ فلان او علان , كفاية كده
- ما تخفش محدش هيحط ايده عليك

اهواك يا ارثوذكسية

مع كلمات المحبة بالامس تذكرت تلك الكلمات :
- اهواك يا ارثوذكسية :
- الكل يدعو الكنيسة القبطية الارثوذكسية للوحدة كأنها هى من تقف عقبة امام الوحدة و لكن الحقيقة لانها الوحيدة التى حافظت على الايمان منذ عصر الرسل حتى الآن بنقاوة و لم تغير منه شىء بل تسلمه من جيل الى جيل بكل امانة
- و لكن الاخرين يريدون ان نكون مثلهم و نغير فى تقاليد الكنيسة مثلهم لكى توجد الوحدة كما يتمنون
- و اخرين كل مايريدونه هو اعتراف الكنيسة القبطية بهم و قبولهم كما هم , تنوع جميل كما يقولون , هم طوائف كثيرة مختلفة و لكن يجمعهم هدف واحد ............ , ويخدعون الاخرين بحلو الكلام
- يتهمون قداسة البابا شنودة الثالث و من سبقوه انهم هم سبب عدم الوحدة و يحاولون ان يوهموا الاخرين ان قداسة البابا تاوضروس عكس هؤلاء و لكنهم يحلمون , قداسة البابا و المجمع المقدس يحبون الجميع و لكن الايمان يسلم للاجيال القادمة كما استلموه
( ملاحظة : لا اعرف ماذا اصبح ذكر اسم قداسة البابا شنودة محرجا و يذكر على مضض , اتمنى ان اكون مخطئا فى ذلك )